تعريف بكلية الهندسة
تعريف بكلية الهندسة
عامةً، كل حدث أو تغير عظيم في الحياة لازم يُسبق بحدث قاسي يغير موازين الحياة قبله، ويهيأ الإنسان لحياته الجديدة. زي كده: نهضة مصر الحديثة مبدئتش غير بعد الحملة الفرنسية، أو حتى عصر التقدم الحالي مبدأش غير بعد الحربين العالميتين اللي راح ضحيتهم ٨٠ مليون إنسان. كذلك، حياتك الحقيقية مش هتبدأ إلا بعد خروجك من المرحلة الثانوية، بكل ما عانيته فيها.
مشاعر مختلطة بتحكمك دلوقتي: فرحك بخروجك من الثانوية، خوفك من دخولك لبداية جديدة في حياتك، فخرك بنفسك إنك حققت حلمك، قلقك من مرحلة جاية متعرفش عنها حاجة..
زمان من سنة كنت في نفس وضعك كده، كنت حاسس بالقلق ونقص المعلومات عن المرحلة الجديدة دي، عاوز أعرف أنا داخل إيه بالضبط وحياتي رايحة على فين، بس مع الأسف ملقيتش المصادر اللي تقدر تفيدني، محدش كان بيهتم يكتب حاجة كويسة وكلهم كانوا بيختصروا بمجرد كلمتين عشان يجيبوا تفاعل بدون تعب. في الحقيقة تعبت في البحث والسؤال، لغاية ما لقيت ضالتي في اتنين أصدقاء الله يجازيهم بكل خير. ولأني عارف إن صعب كل واحد يلاقي ضالته بسهولة في الناس، حبيت إني أكتب المقال ده وأصب فيه كل اللي اتعلمته واكتسبته عن السنادي بأدق تفاصيل، عشان أكفي أي حد هييجي بعدي عناء البحث والسؤال، وأخليه مُهيأ للكلية دي وعارف نظامها، عشان يدخل فيها من أول يوم وهو عارف هو فين، وعايز إيه، وبيعمل إيه بالضبط عشان يحققه.
البوست أنا مش عامله كشيء بسيط يُقرأ في جلسة واحدة، أنا عامله ككتيب صغير أو مرجع شامل كل حاجة عن السنادي، من أول الفرق بين المدرسة والكلية، ونظام الكلية وامتحاناتها، وتفاصيل المواد والأدوات، لحد الأساليب الأفضل للمذاكرة، والأسئلة الشائعة اللي أي حد جديد بيسألها.
البوست تفاصيله تليق أكتر بهندسة إسكندرية، يعني حاجات زي نظم التعلم والامتحانات والمواد ومصادر الدراسة ممكن تختلف من جامعة للتانية، بس على الجانب الآخر فيه تفاصيل عامة تنفع لباقي جامعات مصر، وفيه جزء في الآخر مخصص للجامعات التانية.
مشاعر مختلطة بتحكمك دلوقتي: فرحك بخروجك من الثانوية، خوفك من دخولك لبداية جديدة في حياتك، فخرك بنفسك إنك حققت حلمك، قلقك من مرحلة جاية متعرفش عنها حاجة..
زمان من سنة كنت في نفس وضعك كده، كنت حاسس بالقلق ونقص المعلومات عن المرحلة الجديدة دي، عاوز أعرف أنا داخل إيه بالضبط وحياتي رايحة على فين، بس مع الأسف ملقيتش المصادر اللي تقدر تفيدني، محدش كان بيهتم يكتب حاجة كويسة وكلهم كانوا بيختصروا بمجرد كلمتين عشان يجيبوا تفاعل بدون تعب. في الحقيقة تعبت في البحث والسؤال، لغاية ما لقيت ضالتي في اتنين أصدقاء الله يجازيهم بكل خير. ولأني عارف إن صعب كل واحد يلاقي ضالته بسهولة في الناس، حبيت إني أكتب المقال ده وأصب فيه كل اللي اتعلمته واكتسبته عن السنادي بأدق تفاصيل، عشان أكفي أي حد هييجي بعدي عناء البحث والسؤال، وأخليه مُهيأ للكلية دي وعارف نظامها، عشان يدخل فيها من أول يوم وهو عارف هو فين، وعايز إيه، وبيعمل إيه بالضبط عشان يحققه.
البوست أنا مش عامله كشيء بسيط يُقرأ في جلسة واحدة، أنا عامله ككتيب صغير أو مرجع شامل كل حاجة عن السنادي، من أول الفرق بين المدرسة والكلية، ونظام الكلية وامتحاناتها، وتفاصيل المواد والأدوات، لحد الأساليب الأفضل للمذاكرة، والأسئلة الشائعة اللي أي حد جديد بيسألها.
البوست تفاصيله تليق أكتر بهندسة إسكندرية، يعني حاجات زي نظم التعلم والامتحانات والمواد ومصادر الدراسة ممكن تختلف من جامعة للتانية، بس على الجانب الآخر فيه تفاصيل عامة تنفع لباقي جامعات مصر، وفيه جزء في الآخر مخصص للجامعات التانية.
• الفرق بين الكلية والمدرسة:
١٢ سنة قضيتها في التعليم شكلت عقلك على النظام المدرسي، لكن دلوقتي انت داخل على نظام مختلف بشكل كبير هو النظام الجامعي، طب إيه الفرق بين الاتنين؟
الفرق الأساسي هو إن المدرسة نظام مغلق من التعلم، انت بتروح مكان معين ومقيد بيه ومينفعش تحضر في غيره، وعلى حضورك درجات وممكن الغياب يتسبب بفصلك. المنهج اللي بتدرسه في المدرسة عبارة عن مقتطفات مختارة من العلوم يعني مش بتدرس أي علم بشكل كامل، مجرد نبذات، ولازم تدرسها من مصادر محددة (كتاب المدرسة، الملخصات)، والأسئلة اللي بتمتحن فيها في الغالب بتكون معروفة وبتتكرر كتير وممكن أي حد يلمها وبكده ضمن يقفل الامتحانات، يعني بتعتمد إلى حد كبير على الحفظ والدش وبتدرس حاجات غير مفيدة.
أما الكلية فهي نظام مفتوح، انت مش مقيد تحضر في مكان بعينه وليك الحرية التامة الغياب (بس بعض السكاشن بتكون عليها درجات لتقييمك، هقولك يعني إيه سكشن بعدين)، والمنهج بتاعك مش مجرد مقتطفات، انت بتدرس علم حقيقي موحد في كل مكان في العالم وتقدر تاخده من أي مصدر شرح أو مرجع على الانترنت. أسئلة الامتحانات ممكن تكون أي حاجة متعلقة بالعلم ده وأفكارها غير محدودة ومينفعش حد يحفظها، يعني معتمدة بشكل أكبر على الفهم، وهتدرس حاجات مفيدة إلى حد ما.
أما باقي الفروقات ففي نظام التعلم.
١٢ سنة قضيتها في التعليم شكلت عقلك على النظام المدرسي، لكن دلوقتي انت داخل على نظام مختلف بشكل كبير هو النظام الجامعي، طب إيه الفرق بين الاتنين؟
الفرق الأساسي هو إن المدرسة نظام مغلق من التعلم، انت بتروح مكان معين ومقيد بيه ومينفعش تحضر في غيره، وعلى حضورك درجات وممكن الغياب يتسبب بفصلك. المنهج اللي بتدرسه في المدرسة عبارة عن مقتطفات مختارة من العلوم يعني مش بتدرس أي علم بشكل كامل، مجرد نبذات، ولازم تدرسها من مصادر محددة (كتاب المدرسة، الملخصات)، والأسئلة اللي بتمتحن فيها في الغالب بتكون معروفة وبتتكرر كتير وممكن أي حد يلمها وبكده ضمن يقفل الامتحانات، يعني بتعتمد إلى حد كبير على الحفظ والدش وبتدرس حاجات غير مفيدة.
أما الكلية فهي نظام مفتوح، انت مش مقيد تحضر في مكان بعينه وليك الحرية التامة الغياب (بس بعض السكاشن بتكون عليها درجات لتقييمك، هقولك يعني إيه سكشن بعدين)، والمنهج بتاعك مش مجرد مقتطفات، انت بتدرس علم حقيقي موحد في كل مكان في العالم وتقدر تاخده من أي مصدر شرح أو مرجع على الانترنت. أسئلة الامتحانات ممكن تكون أي حاجة متعلقة بالعلم ده وأفكارها غير محدودة ومينفعش حد يحفظها، يعني معتمدة بشكل أكبر على الفهم، وهتدرس حاجات مفيدة إلى حد ما.
أما باقي الفروقات ففي نظام التعلم.
• نظام كلية الهندسة:
كلية الهندسة عبارة عن مجالات دراسة مختلفة بشكل كبير عن بعضها، شيء أقرب لمجموعة كليات في كلية واحدة، بس يربطهم كلهم التعريف الأساسي للهندسة، واللي هو استخدام المعرفة النظرية وتطبيقها في بناء تصاميم مفيدة تخدم الإنسان. وده في كل المجالات بقى، سواء في البناء أو الآلات أو الكهرباء أو البرمجة أو حتى الكيمياء.
بس الفكرة إن مينفعش الطالب يدرس التخصصات دي مباشرة بعد تخرجه من الثانوية العامة، فاتعملت قبل أربع سنوات التخصص سنة "إعدادية" للطالب إنه يدرس التخصصات الهندسية بعمق، ومن هنا جه اسمها كـ "سنة إعدادي"، وهي دي محور كلامنا كله النهارده.
سنة إعدادي عامة لكل الطلاب هتدرس فيها مواد أساسية ومواد منتقاة من كل الأقسام تقريبًا، وهتديك فكرة عن الدراسة فيهم وهتساعدك في تحديد القسم بتاعك، وحسب مجموعك فيها بيتعمل تنسيق صغير على مستوى الكلية للمجموع المطلوب لكل قسم.
هندسة إسكندرية فيها عشر أقسام (حاسبات - كهرباء - ميكانيكا - عمارة - مدني - إنتاج - كيمياء - نووي - بحرية - غزل ونسيج) أعلاهم في التنسيق حاسبات لمجرد إن العدد المتاح فيه محدود، والباقي بيكون وفقًا لرغبات الطلاب وزيادة طلبهم على قسم بذاته.
كلية الهندسة عبارة عن مجالات دراسة مختلفة بشكل كبير عن بعضها، شيء أقرب لمجموعة كليات في كلية واحدة، بس يربطهم كلهم التعريف الأساسي للهندسة، واللي هو استخدام المعرفة النظرية وتطبيقها في بناء تصاميم مفيدة تخدم الإنسان. وده في كل المجالات بقى، سواء في البناء أو الآلات أو الكهرباء أو البرمجة أو حتى الكيمياء.
بس الفكرة إن مينفعش الطالب يدرس التخصصات دي مباشرة بعد تخرجه من الثانوية العامة، فاتعملت قبل أربع سنوات التخصص سنة "إعدادية" للطالب إنه يدرس التخصصات الهندسية بعمق، ومن هنا جه اسمها كـ "سنة إعدادي"، وهي دي محور كلامنا كله النهارده.
سنة إعدادي عامة لكل الطلاب هتدرس فيها مواد أساسية ومواد منتقاة من كل الأقسام تقريبًا، وهتديك فكرة عن الدراسة فيهم وهتساعدك في تحديد القسم بتاعك، وحسب مجموعك فيها بيتعمل تنسيق صغير على مستوى الكلية للمجموع المطلوب لكل قسم.
هندسة إسكندرية فيها عشر أقسام (حاسبات - كهرباء - ميكانيكا - عمارة - مدني - إنتاج - كيمياء - نووي - بحرية - غزل ونسيج) أعلاهم في التنسيق حاسبات لمجرد إن العدد المتاح فيه محدود، والباقي بيكون وفقًا لرغبات الطلاب وزيادة طلبهم على قسم بذاته.
• نظام التعلم في الكلية:
أولًا الدفعة بتتقسم لمجموعات كبيرة (كنا ٣٠٠٠ طالب متقسمين لـ ٦ مجموعات)، ومجموعات صغيرة (اسمها سكاشن، كنا ٧٢ سكشن كل واحد فيه ٤١ طالب)، وعلى أساس التقسيمات دي بيكون الجدول، واللي بتستلمه أول يوم في الكلية وبينزل قبلها على جروب الدفعة.
شرح المواد بشكل أساسي بتتلقاه من المحاضرات اللي بتقدمها الدكاترة، والمحاضرات بتكون في المدرجات بتاعة الكلية ومعمولة لعدد كبير من الطلبة (مجموعة كبيرة). بعد كده بتيجي السكاشن (عبارة عن فترة زمنية، مختلفة عن السكاشن اللي مقصود بيها المجموعات الصغيرة) ودي بتكون للتدريب أو الممارسة العملية أو حل الأسئلة، وبتكون في مكان صغير اسمه الفصل ومعمولة لعدد قليل من الطلبة (المجموعة الصغيرة/ السكشن)، وبتكون عليها درجات غياب ودرجات أعمال سنة على الأسئلة اللي هتحلها أحيانًا.
أعضاء هيئة تدريس كل مادة لما بيشرحوا جزء معين من المنهج بينزلوا عليه مجموعة أسئلة اسمها "شيت"، ودي بتتحل في السكاشن أو بتاخدها كتدريب مع نفسك.
في بدايته، يوحي الأمر بالقلق من نظام التعلم الجديد ده، بس في الحقيقة بمجرد مرورك من أول أسبوعين هتلاقي نفسك اتعودت؛ نظرًا لإنه نظام مثالي لاكتساب المعلومات، وهتحس فيه بالحرية قبل كل شيء.
أولًا الدفعة بتتقسم لمجموعات كبيرة (كنا ٣٠٠٠ طالب متقسمين لـ ٦ مجموعات)، ومجموعات صغيرة (اسمها سكاشن، كنا ٧٢ سكشن كل واحد فيه ٤١ طالب)، وعلى أساس التقسيمات دي بيكون الجدول، واللي بتستلمه أول يوم في الكلية وبينزل قبلها على جروب الدفعة.
شرح المواد بشكل أساسي بتتلقاه من المحاضرات اللي بتقدمها الدكاترة، والمحاضرات بتكون في المدرجات بتاعة الكلية ومعمولة لعدد كبير من الطلبة (مجموعة كبيرة). بعد كده بتيجي السكاشن (عبارة عن فترة زمنية، مختلفة عن السكاشن اللي مقصود بيها المجموعات الصغيرة) ودي بتكون للتدريب أو الممارسة العملية أو حل الأسئلة، وبتكون في مكان صغير اسمه الفصل ومعمولة لعدد قليل من الطلبة (المجموعة الصغيرة/ السكشن)، وبتكون عليها درجات غياب ودرجات أعمال سنة على الأسئلة اللي هتحلها أحيانًا.
أعضاء هيئة تدريس كل مادة لما بيشرحوا جزء معين من المنهج بينزلوا عليه مجموعة أسئلة اسمها "شيت"، ودي بتتحل في السكاشن أو بتاخدها كتدريب مع نفسك.
في بدايته، يوحي الأمر بالقلق من نظام التعلم الجديد ده، بس في الحقيقة بمجرد مرورك من أول أسبوعين هتلاقي نفسك اتعودت؛ نظرًا لإنه نظام مثالي لاكتساب المعلومات، وهتحس فيه بالحرية قبل كل شيء.
• الدرجات ونظام الامتحانات:
المجموع الكلي للدرجات بيكون من ١٥٠٠ درجة، وبتكون متقسمة بين أعمال سنة السكاشن وامتحانات الميد تيرم وامتحانات الفاينل.
الميد تيرم هو امتحان بسيط على المادة مدته ساعة واحدة، بس جدوله بيكون مادة كل يوم وكله ورا بعضه. الفاينل بيكون الامتحان الكامل بقى، بس جدوله بيكون مريح ومادتين بس في الأسبوع (المواد الصعبة قبلها ٣ أيام، السهلة يومين)، وترتيب المواد في الجدول بتاع الامتحانين بينزل عليه ڤوت قبلها على جروب الدفعة.
أنظمة الامتحانات:
- اختياري (MCQ): وأغلبية المواد نظامها كده، بتاخد ورقة للأسئلة وجانبها ورقة للإجابات ولما تحل سؤال بتظلل على حله في ورقة الإجابات، وفي النهاية الورقة دي بتتحط في جهاز بيعملها اسكان ويصححلك إجاباتك (يعني التصحيح الكتروني ومفيش ظلم أو إهمال فيه).
- اختياري أميركان: بيكون لبعض المواد، وهو نفس الاختياري اللي فوق، بس لما بتحل سؤال غلط بينقص من درجاتك (ده لأن فيه ناس بتهبد الاختياري عشوائي فبتطلع معاها بعض الاختيارات الصحيحة بالحظ، فاتعمل كده عشان يقلل الهبد).
- كتابة: النظام الاعتيادي اللي كلنا متعودين عليه وبيتصحح يدوي، بيكون لبعض المواد.
المجموع الكلي للدرجات بيكون من ١٥٠٠ درجة، وبتكون متقسمة بين أعمال سنة السكاشن وامتحانات الميد تيرم وامتحانات الفاينل.
الميد تيرم هو امتحان بسيط على المادة مدته ساعة واحدة، بس جدوله بيكون مادة كل يوم وكله ورا بعضه. الفاينل بيكون الامتحان الكامل بقى، بس جدوله بيكون مريح ومادتين بس في الأسبوع (المواد الصعبة قبلها ٣ أيام، السهلة يومين)، وترتيب المواد في الجدول بتاع الامتحانين بينزل عليه ڤوت قبلها على جروب الدفعة.
أنظمة الامتحانات:
- اختياري (MCQ): وأغلبية المواد نظامها كده، بتاخد ورقة للأسئلة وجانبها ورقة للإجابات ولما تحل سؤال بتظلل على حله في ورقة الإجابات، وفي النهاية الورقة دي بتتحط في جهاز بيعملها اسكان ويصححلك إجاباتك (يعني التصحيح الكتروني ومفيش ظلم أو إهمال فيه).
- اختياري أميركان: بيكون لبعض المواد، وهو نفس الاختياري اللي فوق، بس لما بتحل سؤال غلط بينقص من درجاتك (ده لأن فيه ناس بتهبد الاختياري عشوائي فبتطلع معاها بعض الاختيارات الصحيحة بالحظ، فاتعمل كده عشان يقلل الهبد).
- كتابة: النظام الاعتيادي اللي كلنا متعودين عليه وبيتصحح يدوي، بيكون لبعض المواد.
• مصادر الدراسة:
مناهج الكلية زي ما ذكرنا بتكون موحدة تقريبًا، بالتالي المفروض نذاكرها من مراجع عالمية.. بس ده مبيحصلش لأن الدكاترة بينتقوا أجزاء معينة بس للدراسة تسهيلًا على الطلاب بدل ما يدرسوا مرجع كامل، والأجزاء دي هي اللي بيحطوها في كتب الكلية.
مصدرك الأول المفروض يكون محاضرات الدكاترة اللي بتحضرها، بعد كده بتلجأ لشرح المعيدين في السكاشن كوسيلة مساعدة، وممكن تستعيض عن كل ده بالمصادر المكتوبة لو بتحب الدراسة الذاتية.
المصادر المكتوبة كلها متوفرة على النت يعني مش محتاجة شراء، ما عدا بعض الكتب مش موجودة.
ونقدر نقسم المصادر المكتوبة المتاحة (أهمهم أول ٤) كالتالي:
- كتاب المادة:
بيكون عبارة عن المادة العلمية المنتقاة من المراجع من قبل الدكاترة، بيكون رسمي جدًا ومليان كلام كتير وبيشرح باستفاضة كل حاجة في المنهج.
في أول السنة الدكاترة بيعلنوا عن أماكن شراء الكتب من الكلية نفسها أو من مكتبات مجاورة، وأسعارهم بتتراوح بين ٣٠ لـ ١٠٠ جنيه.
في هندسة إسكندرية مفيش حاجة اسمها دكتور معين يجبر الطلاب على شراء كتابه عشان النجاح زي بعض الكليات، والكتب اللي لازم تشتريها (الإنتاج - الإسقاط - اسكتش الرسم) بيكون عشان فيه تدريبات بتتحل جوا الكتاب.
- المحاضرات المكتوبة من الدكاترة نفسهم:
مادة واحدة بس اللي بينزلها النوع ده لأن دكاترتها متعاونين مع الطلاب (الرياضيات)، وده أحسن مصدر ممكن تذاكر منه طبعًا، لأنه ولا مختصر أوي ولا مليان كلام فاضي زي الكتاب.
- ورق كورسات المعيدين:
وده الورق المكتوب من المعيدين بتوع المادة وأكتر حاجة شائعة كمصدر بين الطلاب لأنه بسيط وأسلوبه سهل، وجودته بتختلف وفقًا للمعيد اللي كاتبه، ففي عندك ملازم ركيكة جدًا وملازم تانية أحسن من كتاب الكلية نفسه.
الورق بيتباع من المكتبات المجاورة للكلية وبيكون لكل موضوع بتدرسه (المكثفات مثلًا في الفيزياء لما تتشرح في المحاضرات هينزلها ورق) مش ورق مجمع لكل مادة مثلًا، وأسعارهم بتتراوح من جنيه لـ ٦ جنيه حسب عدد الورق.
- الامتحانات المحلولة:
بتنزل في المكتبات قبل كل ميد تيرم وفاينل، وتعتبر من أهم مصادر المراجعة.
- سلايدات الدكاترة:
ودي ملفات الـ Power Point اللي بيشرحوا عليها في المحاضرة بالبروجكتور، وفي الغالب متنفعش مصدر مذاكرة لأنها عبارة عن رؤوس أقلام بس ومجرد أسامي الحاجات اللي الدكتور بيقولها من غير شرح.
- المحاضرات اللي بتكتبها الطلاب:
بتعتمد على الطالب اللي بيكتبها، يعني ممكن تكون مكتوبة كويس وشارحة وده قليل، وفيه تانية عبارة عن المواضيع اللي اتكلم فيها الدكتور مش أكتر. بس بشكل عام متنفعش كمصدر مذاكرة، وهي والسلايدات ممكن تاخدهم عشان تفكر نفسك انت درست إيه مش أكتر.
- الملخصات اللي بتكتبها الطلاب:
بتطلع قبل الامتحانات من البعض وبتكون رديئة جدًا وميعتمدش عليها في أي حاجة (وفيه استثناءات).
مناهج الكلية زي ما ذكرنا بتكون موحدة تقريبًا، بالتالي المفروض نذاكرها من مراجع عالمية.. بس ده مبيحصلش لأن الدكاترة بينتقوا أجزاء معينة بس للدراسة تسهيلًا على الطلاب بدل ما يدرسوا مرجع كامل، والأجزاء دي هي اللي بيحطوها في كتب الكلية.
مصدرك الأول المفروض يكون محاضرات الدكاترة اللي بتحضرها، بعد كده بتلجأ لشرح المعيدين في السكاشن كوسيلة مساعدة، وممكن تستعيض عن كل ده بالمصادر المكتوبة لو بتحب الدراسة الذاتية.
المصادر المكتوبة كلها متوفرة على النت يعني مش محتاجة شراء، ما عدا بعض الكتب مش موجودة.
ونقدر نقسم المصادر المكتوبة المتاحة (أهمهم أول ٤) كالتالي:
- كتاب المادة:
بيكون عبارة عن المادة العلمية المنتقاة من المراجع من قبل الدكاترة، بيكون رسمي جدًا ومليان كلام كتير وبيشرح باستفاضة كل حاجة في المنهج.
في أول السنة الدكاترة بيعلنوا عن أماكن شراء الكتب من الكلية نفسها أو من مكتبات مجاورة، وأسعارهم بتتراوح بين ٣٠ لـ ١٠٠ جنيه.
في هندسة إسكندرية مفيش حاجة اسمها دكتور معين يجبر الطلاب على شراء كتابه عشان النجاح زي بعض الكليات، والكتب اللي لازم تشتريها (الإنتاج - الإسقاط - اسكتش الرسم) بيكون عشان فيه تدريبات بتتحل جوا الكتاب.
- المحاضرات المكتوبة من الدكاترة نفسهم:
مادة واحدة بس اللي بينزلها النوع ده لأن دكاترتها متعاونين مع الطلاب (الرياضيات)، وده أحسن مصدر ممكن تذاكر منه طبعًا، لأنه ولا مختصر أوي ولا مليان كلام فاضي زي الكتاب.
- ورق كورسات المعيدين:
وده الورق المكتوب من المعيدين بتوع المادة وأكتر حاجة شائعة كمصدر بين الطلاب لأنه بسيط وأسلوبه سهل، وجودته بتختلف وفقًا للمعيد اللي كاتبه، ففي عندك ملازم ركيكة جدًا وملازم تانية أحسن من كتاب الكلية نفسه.
الورق بيتباع من المكتبات المجاورة للكلية وبيكون لكل موضوع بتدرسه (المكثفات مثلًا في الفيزياء لما تتشرح في المحاضرات هينزلها ورق) مش ورق مجمع لكل مادة مثلًا، وأسعارهم بتتراوح من جنيه لـ ٦ جنيه حسب عدد الورق.
- الامتحانات المحلولة:
بتنزل في المكتبات قبل كل ميد تيرم وفاينل، وتعتبر من أهم مصادر المراجعة.
- سلايدات الدكاترة:
ودي ملفات الـ Power Point اللي بيشرحوا عليها في المحاضرة بالبروجكتور، وفي الغالب متنفعش مصدر مذاكرة لأنها عبارة عن رؤوس أقلام بس ومجرد أسامي الحاجات اللي الدكتور بيقولها من غير شرح.
- المحاضرات اللي بتكتبها الطلاب:
بتعتمد على الطالب اللي بيكتبها، يعني ممكن تكون مكتوبة كويس وشارحة وده قليل، وفيه تانية عبارة عن المواضيع اللي اتكلم فيها الدكتور مش أكتر. بس بشكل عام متنفعش كمصدر مذاكرة، وهي والسلايدات ممكن تاخدهم عشان تفكر نفسك انت درست إيه مش أكتر.
- الملخصات اللي بتكتبها الطلاب:
بتطلع قبل الامتحانات من البعض وبتكون رديئة جدًا وميعتمدش عليها في أي حاجة (وفيه استثناءات).
تعليقات
إرسال تعليق