OPTICS 2
سلام عليكم ...
طيب بما إني دعيت من الشباب القائمين على الجروب هنا جزاهم الله خيرا إني أتكلم عن تخصص ال optics بما إني حاليا شغال في الدكتوراة في المجال ده في أمريكا فإن شاء الله هحاول أقول شوية كلام لعلهم يكونوا مفيدين بالنسبة للناس اللي بتفكر في المجال ده ..
أنا هبدأ بتعريف نفسي إن شاء الله وحابب أعرف منكم في التعليقات لو فيه أسئلة معينة حابين إني أجاوب عليها في حدود علمي بحيث أعرف أكتر إيه الأفيد إني أتكلم عليه برده من واقع خبرتي الصغيرة في المجال ...
أنا اسمي كمال خليل أو (كمال عبد السلام ... باستايل الأمريكان 
) ...حاليا أنا طالب دكتوراة في University of Central Florida وتحديدا في College of Optics and Photonics (CREOL) ..
) ...حاليا أنا طالب دكتوراة في University of Central Florida وتحديدا في College of Optics and Photonics (CREOL) ..
كريول هي نوعية من الكليات غريبة على ثقافتنا شوية في العالم العربي بس هي واحدة من الكليات المتخصصة في العلم ده أو المجالات ديه في أمريكا ... وهي واحدة من تلت كليات بس من نوعها في أمريكا كلها ... الكليتين التانيين هما College of optical sciences في أريزونا و Institute of Optics في Rochester ... كريول وروشستر بيتنافسوا على الترتيب الاول بين الكليات ديه في أمريكا وهما في خلافي فلسفي دائم خاصة إن روشتسر أقدم مننا بكتير وفيها بعض فطاحل المجال ده في العالم .. بس ما وصل إلى علمي إن إحنا حاليا رقم واحد وهما عمالين يغلوا في نفسهم وكده ... وبالمناسبة ديه أحب برده إني أذكر إن عميد كليتنا في كريول هو دكتور مصري خريج جامعة القاهرة وهو من أشهر الناس في العالم في التخصص ده ... د/ بهاء صالح ... ويمكن ناس منكم يكونوا درسوا من كتابه في مراحل الدراسة الجامعية كتاب Fundamentals of Photonics
بس هي واحدة من الكليات المتخصصة في العلم ده أو المجالات ديه في أمريكا ... وهي واحدة من تلت كليات بس من نوعها في أمريكا كلها ... الكليتين التانيين هما College of optical sciences في أريزونا و Institute of Optics في Rochester ... كريول وروشستر بيتنافسوا على الترتيب الاول بين الكليات ديه في أمريكا وهما في خلافي فلسفي دائم خاصة إن روشتسر أقدم مننا بكتير وفيها بعض فطاحل المجال ده في العالم .. بس ما وصل إلى علمي إن إحنا حاليا رقم واحد وهما عمالين يغلوا في نفسهم وكده ... وبالمناسبة ديه أحب برده إني أذكر إن عميد كليتنا في كريول هو دكتور مصري خريج جامعة القاهرة وهو من أشهر الناس في العالم في التخصص ده ... د/ بهاء صالح ... ويمكن ناس منكم يكونوا درسوا من كتابه في مراحل الدراسة الجامعية كتاب Fundamentals of Photonics
أنا في الأصل خريج هندسة عين شمس ... قسم الاتصالات والالكترونيات ... دفعة 2011 .. اتعينت معيد في نفس القسم بعد التخرج واشتغلت في الكلية حوالي 3 سنين في التدريس والبحث العلمي .... خلصت الماجستير في مجال الهندسة الكهربية في مجال الأوبتكس برده ... واشتغلت حوالي سنتين في الصناعة في شركة Si-ware systems مع فريق ال optical MEMS في مشاريع مختلفة
إن شاء الله من البوست الجاي هتكلم عن طبيعة المجال ده بقدر من الاستفاضة من واقع كليتي هنا في محاولة لتصحيح ما خلفته الدراسة في الكلية عن المجال وكره الطلبة ليه بشكل عام ... وزي ما قولت لو فيه أسئلة معينة حابين إني أجاوبها خلال كلامي معاكم يا ريت تحطوها في التعليقات
تعليقات
إرسال تعليق