تعريف بكلية الهندسة 3
تعريف بكلية الهندسة
• الأدوات:
تقدر تشتري الأدوات من تلت أماكن:
- مكتبة كمال سعد: أقل الأماكن في السعر، يعيبها الزحمة وقلة ذوق للعاملين.
- مكتبة سمير وعلي: أعلى الأماكن في السعر، بس جميلة الحقيقة والشراء منها ممتع.
- معارض الكلية: في أول أسبوعين من الدراسة بيقام في الكلية معرضين قصاد بعض تبع كل من مكتبة الخضري ومكتبة الهندسة والفنون، أسعارهم متوسطة وأريح الحقيقة من إنك تروح مكان بعينه عشان تشتري.
الأدوات بتاعة الكلية أغلبها مختص بالرسم، ومش هتحتاجها تاني في أي سنة غير إعدادي إلا لو ناوي تخش قسم عمارة، فانت ليك الحرية تختار بين ماركتين في الأدوات الهندسية، إما سمير وعلي لو عاوز توفر، أو روترينج لو عاوز أفضل جودة ومش مهتم بالسعر.
وعامة، طول الكلية دي كل الأدوات اللي ممكن تستخدمها أو تسمع عنها:
- المسطرة الـ T (إجباري):
وظيفتها الوحيدة غير المنظرة بيها في الشارع هي عمل خطوط أفقية على اللوحة وعمودية باستخدام المثلثات، طب إزاي؟ شايف رأس المسطرة الشهير؟ ده فايدته إنه يثبتها على الترابيزة اللي بترسم عليها بحيث إن المسطرة متميلش فوق أو تحت، فتقدر تعمل بيها خطوط أفقية بدون ميل.
متوفر منها ٣ أطوال، ٨٠ و١٠٠ و١٢٠ سم، كطالب إعدادي انت محتاج الـ ٨٠ سم بس، أما لو ناوي تخش قسم عمارة فهتحتاج أطول.
الأفضل إنك تجيبها روترينج حتى لو مش ناوي على قسم عمارة، لأن الروترينج بتستحمل معاك.
صور وسعر تقريبي: http://bit.ly/2LQABWh
- الرولة (اختياري):
ودي بتحفظ فيها اللوحات بدل ما تتوسخ منك أو تنثني في المواصلات، مهمة شوية بس تقدر تستغنى عنها.
صورة: http://bit.ly/2NQtoGq
- جراب المسطرة والرولة (اختياري):
جراب أسود بيتشال فيه المسطرة والرولة مع بعض، المسطرة في الأصل بييجي معاها جراب لذات الغرض، بس الحقيقة ده شكله أفضل.
صورة (على اليمين الجراب الملحق مع المسطرة، على الشمال الجراب اللي أقصده): http://bit.ly/2LUcMNp
- القلم السنون (إجباري):
القلم ده هيكون ريشتك اللي بترسم بيها، وسلاحك اللي بتكتب بيه في مذاكرتك وامتحاناتك لحد آخر سنة في الكلية، فأساسي إنك تشتريه روترينج.
الرسم أساسي يكون بقلم سنون ٠.٥ ميللي، بس ده سيئ في الكتابة وسنه هيتكسر كل شوية، فكويس إنك تجيب معاه قلم تاني ١ ميللي للكتابة والمذاكرة.
صور وسعر تقريبي: http://bit.ly/2LU3Vev
- سنون للقلم (إجباري):
السنون ليها درجات غمقان مختلفة، فعندك من أول 2H (الأخف) مرورًا بالـ HB (الوسط والأفضل) وانتهاءً بـ 2B (الأثقل).
في مادة الرسم انت هترسم خطوط المفروض تكون خفيفة جدًا (خطوط العمل)، وخطوط وسط (المحاور)، وخطوط تقيلة (الرسمة النهائية)، من المعلومة دي يتهيألك إنك هتحتاج التلت درجات من السنون.. بس لأ، انت تقدر تشتري درجة HB وتتحكم في درجة لونها بضغطة إيدك، يعني لو عاوز خط خفيف خف إيدك، ولو عاوزه تقيل تقل إيدك، وهكذا.
الأفضل تجيب السنون ماركة روترينج عشان متتقصفش كل شوية وتكون درجة اللون كويسة.
- الأستيكة/ الجومة (إجباري):
وانت بتختارها ابتعد عن اللي لونها أبيض عشان بتوسخ اللوحة، وبرشح Faber-Castell.
- قلم الأستيكة/ الجومة (ملهوش لازمة):
عبارة عن قلم جواه أستيكة بتقدر تتحكم في الحجم الخارج منها، سيئة وملهاش لازمة والأستيكة جودتها وحشة.
- مثلثين ٤٥ و٣٠-٦٠ (إجباري):
بتقدر تعمل بيهم بعض العمليات الهندسية زي رسم خط موازي أو رسم قائم، ورسم خط عمودي عامة بمساعدة المسطرة الـ T، هتلمس فايدة المثلث الـ ٣٠-٦٠ لما تدرس رسم الأيزومترك لأنه أساسي فيه، أما الـ ٤٥ فملهوش استخدام خاص.
أكبر حجم من المثلثات دي هو الأفضل، الحجم الصغير جدًا هتحتاجه برضه في بعض العمليات أحيانًا.
صور وسعر تقريبي: http://bit.ly/2LJQq48
- مثلث أرسطو (إجباري):
يمكن دي أهم أداة اتذكرت النهارده بين كل دول، ده لأن مثلث أرسطو استخداماته واسعة وهتفضل تستعمله في باقي الأقسام. أساسي برضه إنك تجيبه روترينج عشان يستحمل معاك.
مثلث أرسطو عبارة عن مثلث ٤٥ جواه خطوط متوازية مدرجة وعليه تدريج درجات (زي منقلة)، فبيمكنك ترسم الخطوط المتوازية وترسم الأعمدة بخطوة واحدة بدل طريقة المثلثين المعقدة، وكذلك ترسم الخطوط بأي زاوية بخطوة واحدة بدل ما تضطر تستعمل المنقلة والمسطرة.
مثلث أرسطو متوفر بحجم كبير وصغير ملهمش لازمة، متجيبش غير الحجم الوسط.
صورة: http://bit.ly/2LN5Zs8
- مسطرة عادية (ملهاش لازمة)
- منقلة (ملهاش لازمة)
- شبلونة الدواير (اختياري):
عبارة عن قالب فيه دواير بأحجام مختلفة، فايدتها الأساسية رسم الدواير اللي قطرها أصغر من ٢ سم (بالبرجل صعب).
صورة: http://bit.ly/2uUJZlj
- الفرينش كيرڤ (إجباري):
الفرينش كيرڤ عبارة عن مساطر أشكال لمنحنيات، لما مثلًا يكون مطلوب منك ترسم منحنى بيمر بنقط معينة وترسم بإيدك الخط هيكون سيئ ومتعرج.. لكن دول انت هتستعين بيهم وتدور على أكتر حتة شكلها متوافق مع النقط وتوصل ما بينهم، ساعتها الخط اللي هترسمه هيطلع حتة واحدة وجميل.
هتستعملها في رسم منحنيات تجارب الفيزياء، وفي الرسم والإسقاط خاصة الترم التاني (هتتوسع في دراسة المنحنيات زي ما ذكرنا).
صور وسعر تقريبي: http://bit.ly/2uTvDBN
- الفرينش كيرڤ المرنة (ملهاش لازمة):
دي عبارة عن مسطرة مرنة تقدر تشكلها بإيدك على الشكل اللي عاوزه عشان توصل بين النقط على أساسها، غالية نسبيًا وصعبة الاستعمال ومش عملية في السكاشن أو الامتحانات.
صور: http://bit.ly/2uRFOXm
- البرجل (إجباري):
البرجل أداة رسم الدواير والأقواس ومهم في كتير من العمليات الهندسية وهتستعمله كتير جدًا، عشان كده من الأفضل إنك متستخسرش فيه لو عاوز رسمك يكون كويس أو عاوز ترتاح من عناء هزة البرجل وانت بترسم.
فيه أنواع كتير من البراجل، أفضلها هو اللي بيفتح بساقية (يعني مش يدوي، عشان تضمن ثبات الفتحة طول ما بترسم) ورجليه طويلة من غير ما تحتاج طوالة (لما تكون رجليه طويلة هترسم بيه بأنصاف أقطار أطول، بس انت مش محتاج طوالة في إعدادي، والطوالة هي إضافة للبرجل بتخليه يرسم بأنصاف أقطار كبيرة جدًا). أما البرجل الرخيص العادي فرسمه هيكون سيئ وغير دقيق وهتعاني في تثبيت المسافة بين رجليه عشان ترسم، غير كده رجليه قصيرة ومش هيوفي كل احتياجاتك.
فيه أطقم براجل غالية بتبقى ملهاش أي لازمة، ابعد عنها.
البرجل اللي كنت بستعمله (مثالي وأكتر من ممتاز): http://bit.ly/2uVq5GP
- مبرد/ براية لسنون البرجل (إجباري لو برجل بسنون عريضة):
لما ترسم بالبرجل سنونه هتحتاج تتبري كل فترة من الزمن عشان ترجع رفيعة تاني.
- اسطمبة المسح (ملهاش لازمة):
عبارة عن صفيحة لو انت عاوز تمسح جزء صغير من الرسمة بالأستيكة من غير ما تمسح الرسمة كلها بتغطي الرسمة بالصفيحة ما عدا الجزء الصغير وبتمسح، وعشان هي معدن بتنثني بسرعة وبتكون سيئة، الأفضل تستخدم ورقة في الوظيفة دي.
صورة: http://bit.ly/2uRMp44
- الماجيك تيب/ البلاستر (إجباري):
ده عشان تثبت بيه اللوحة في المكان اللي بترسم عليه، بيكون لزق من نوع خاص وسهل يتشال من على ورق اللوحة من غير ما يقطعها، ولونه أبيض نفس لونها.
- الفوطة (اختياري):
لما بتمسح بالأستيكة بيكون فيه بواقي منها، هتنفضها بإيدك أو تنفخها؟ أكيد لأ عشان لو عملت كده اللوحة هتتوسخ وهتنقص درجات. هنا بييجي دور الفوطة إنها تنضفلك اللوحة، وكمان تنضف المكان اللي هترسم عليه لو مليان تراب.
- بودرة التلك (ملهاش لازمة):
بتكون للحفاظ على نضافة اللوحة، الحقيقة مش المفروض المبالغة للدرجادي، ومجرد بعض الاهتمام بنضافة الأدوات وتنشيف العرق (عشان ميلطشِّ اللوحة) هيكون أفضل.
- البوردة (اختياري):
بتستعملها كمكان للرسم في البيت وبتثبت عليها اللوحة وترسم، ضروري هتحتاجها لو معندكش ترابيزة بحافة مستقيمة (عشان تثبت راس المسطرة الـ T).
- البالطو الأبيض (إجباري):
مينفعش تدخل ورشة الإنتاج الترم الأول (السكاشن) أو معمل الكيمياء (السكاشن العملية) من غيره، عشان يحمي هدومك من إنها تتوسخ هناك.
- شنطة الكيمياء (إجباري):
شنطة أدوات خاصة بمعمل الكيمياء في الترم التاني، وعشان مينضحكش عليك فهي فيها:
فوطة - أربع أنابيب اختبار زجاجية - حامل أنابيب - ماسك أنابيب نحاسي - نظارة وقاية - فرشة تنظيف للأنابيب - جوانتيين
- الاستوب وُتش/ ساعة الإيقاف (اختياري):
المفروض دي بتجيبها عشان تستعملها في امتحان عملي الفيزياء لو التجربة محتاجة قياس وقت (لاحظ إن استعمال الموبايل ممنوع)، الأفضل تجيبها ومجموعة من زمايلك وتتبادلوا استعمالها، لأن عن نفسي جبتها وحظي مكانش فيه ولا تجربة محتاجة قياس وقت فمستعملتهاش خالص.
تقدر تشتري الأدوات من تلت أماكن:
- مكتبة كمال سعد: أقل الأماكن في السعر، يعيبها الزحمة وقلة ذوق للعاملين.
- مكتبة سمير وعلي: أعلى الأماكن في السعر، بس جميلة الحقيقة والشراء منها ممتع.
- معارض الكلية: في أول أسبوعين من الدراسة بيقام في الكلية معرضين قصاد بعض تبع كل من مكتبة الخضري ومكتبة الهندسة والفنون، أسعارهم متوسطة وأريح الحقيقة من إنك تروح مكان بعينه عشان تشتري.
الأدوات بتاعة الكلية أغلبها مختص بالرسم، ومش هتحتاجها تاني في أي سنة غير إعدادي إلا لو ناوي تخش قسم عمارة، فانت ليك الحرية تختار بين ماركتين في الأدوات الهندسية، إما سمير وعلي لو عاوز توفر، أو روترينج لو عاوز أفضل جودة ومش مهتم بالسعر.
وعامة، طول الكلية دي كل الأدوات اللي ممكن تستخدمها أو تسمع عنها:
- المسطرة الـ T (إجباري):
وظيفتها الوحيدة غير المنظرة بيها في الشارع هي عمل خطوط أفقية على اللوحة وعمودية باستخدام المثلثات، طب إزاي؟ شايف رأس المسطرة الشهير؟ ده فايدته إنه يثبتها على الترابيزة اللي بترسم عليها بحيث إن المسطرة متميلش فوق أو تحت، فتقدر تعمل بيها خطوط أفقية بدون ميل.
متوفر منها ٣ أطوال، ٨٠ و١٠٠ و١٢٠ سم، كطالب إعدادي انت محتاج الـ ٨٠ سم بس، أما لو ناوي تخش قسم عمارة فهتحتاج أطول.
الأفضل إنك تجيبها روترينج حتى لو مش ناوي على قسم عمارة، لأن الروترينج بتستحمل معاك.
صور وسعر تقريبي: http://bit.ly/2LQABWh
- الرولة (اختياري):
ودي بتحفظ فيها اللوحات بدل ما تتوسخ منك أو تنثني في المواصلات، مهمة شوية بس تقدر تستغنى عنها.
صورة: http://bit.ly/2NQtoGq
- جراب المسطرة والرولة (اختياري):
جراب أسود بيتشال فيه المسطرة والرولة مع بعض، المسطرة في الأصل بييجي معاها جراب لذات الغرض، بس الحقيقة ده شكله أفضل.
صورة (على اليمين الجراب الملحق مع المسطرة، على الشمال الجراب اللي أقصده): http://bit.ly/2LUcMNp
- القلم السنون (إجباري):
القلم ده هيكون ريشتك اللي بترسم بيها، وسلاحك اللي بتكتب بيه في مذاكرتك وامتحاناتك لحد آخر سنة في الكلية، فأساسي إنك تشتريه روترينج.
الرسم أساسي يكون بقلم سنون ٠.٥ ميللي، بس ده سيئ في الكتابة وسنه هيتكسر كل شوية، فكويس إنك تجيب معاه قلم تاني ١ ميللي للكتابة والمذاكرة.
صور وسعر تقريبي: http://bit.ly/2LU3Vev
- سنون للقلم (إجباري):
السنون ليها درجات غمقان مختلفة، فعندك من أول 2H (الأخف) مرورًا بالـ HB (الوسط والأفضل) وانتهاءً بـ 2B (الأثقل).
في مادة الرسم انت هترسم خطوط المفروض تكون خفيفة جدًا (خطوط العمل)، وخطوط وسط (المحاور)، وخطوط تقيلة (الرسمة النهائية)، من المعلومة دي يتهيألك إنك هتحتاج التلت درجات من السنون.. بس لأ، انت تقدر تشتري درجة HB وتتحكم في درجة لونها بضغطة إيدك، يعني لو عاوز خط خفيف خف إيدك، ولو عاوزه تقيل تقل إيدك، وهكذا.
الأفضل تجيب السنون ماركة روترينج عشان متتقصفش كل شوية وتكون درجة اللون كويسة.
- الأستيكة/ الجومة (إجباري):
وانت بتختارها ابتعد عن اللي لونها أبيض عشان بتوسخ اللوحة، وبرشح Faber-Castell.
- قلم الأستيكة/ الجومة (ملهوش لازمة):
عبارة عن قلم جواه أستيكة بتقدر تتحكم في الحجم الخارج منها، سيئة وملهاش لازمة والأستيكة جودتها وحشة.
- مثلثين ٤٥ و٣٠-٦٠ (إجباري):
بتقدر تعمل بيهم بعض العمليات الهندسية زي رسم خط موازي أو رسم قائم، ورسم خط عمودي عامة بمساعدة المسطرة الـ T، هتلمس فايدة المثلث الـ ٣٠-٦٠ لما تدرس رسم الأيزومترك لأنه أساسي فيه، أما الـ ٤٥ فملهوش استخدام خاص.
أكبر حجم من المثلثات دي هو الأفضل، الحجم الصغير جدًا هتحتاجه برضه في بعض العمليات أحيانًا.
صور وسعر تقريبي: http://bit.ly/2LJQq48
- مثلث أرسطو (إجباري):
يمكن دي أهم أداة اتذكرت النهارده بين كل دول، ده لأن مثلث أرسطو استخداماته واسعة وهتفضل تستعمله في باقي الأقسام. أساسي برضه إنك تجيبه روترينج عشان يستحمل معاك.
مثلث أرسطو عبارة عن مثلث ٤٥ جواه خطوط متوازية مدرجة وعليه تدريج درجات (زي منقلة)، فبيمكنك ترسم الخطوط المتوازية وترسم الأعمدة بخطوة واحدة بدل طريقة المثلثين المعقدة، وكذلك ترسم الخطوط بأي زاوية بخطوة واحدة بدل ما تضطر تستعمل المنقلة والمسطرة.
مثلث أرسطو متوفر بحجم كبير وصغير ملهمش لازمة، متجيبش غير الحجم الوسط.
صورة: http://bit.ly/2LN5Zs8
- مسطرة عادية (ملهاش لازمة)
- منقلة (ملهاش لازمة)
- شبلونة الدواير (اختياري):
عبارة عن قالب فيه دواير بأحجام مختلفة، فايدتها الأساسية رسم الدواير اللي قطرها أصغر من ٢ سم (بالبرجل صعب).
صورة: http://bit.ly/2uUJZlj
- الفرينش كيرڤ (إجباري):
الفرينش كيرڤ عبارة عن مساطر أشكال لمنحنيات، لما مثلًا يكون مطلوب منك ترسم منحنى بيمر بنقط معينة وترسم بإيدك الخط هيكون سيئ ومتعرج.. لكن دول انت هتستعين بيهم وتدور على أكتر حتة شكلها متوافق مع النقط وتوصل ما بينهم، ساعتها الخط اللي هترسمه هيطلع حتة واحدة وجميل.
هتستعملها في رسم منحنيات تجارب الفيزياء، وفي الرسم والإسقاط خاصة الترم التاني (هتتوسع في دراسة المنحنيات زي ما ذكرنا).
صور وسعر تقريبي: http://bit.ly/2uTvDBN
- الفرينش كيرڤ المرنة (ملهاش لازمة):
دي عبارة عن مسطرة مرنة تقدر تشكلها بإيدك على الشكل اللي عاوزه عشان توصل بين النقط على أساسها، غالية نسبيًا وصعبة الاستعمال ومش عملية في السكاشن أو الامتحانات.
صور: http://bit.ly/2uRFOXm
- البرجل (إجباري):
البرجل أداة رسم الدواير والأقواس ومهم في كتير من العمليات الهندسية وهتستعمله كتير جدًا، عشان كده من الأفضل إنك متستخسرش فيه لو عاوز رسمك يكون كويس أو عاوز ترتاح من عناء هزة البرجل وانت بترسم.
فيه أنواع كتير من البراجل، أفضلها هو اللي بيفتح بساقية (يعني مش يدوي، عشان تضمن ثبات الفتحة طول ما بترسم) ورجليه طويلة من غير ما تحتاج طوالة (لما تكون رجليه طويلة هترسم بيه بأنصاف أقطار أطول، بس انت مش محتاج طوالة في إعدادي، والطوالة هي إضافة للبرجل بتخليه يرسم بأنصاف أقطار كبيرة جدًا). أما البرجل الرخيص العادي فرسمه هيكون سيئ وغير دقيق وهتعاني في تثبيت المسافة بين رجليه عشان ترسم، غير كده رجليه قصيرة ومش هيوفي كل احتياجاتك.
فيه أطقم براجل غالية بتبقى ملهاش أي لازمة، ابعد عنها.
البرجل اللي كنت بستعمله (مثالي وأكتر من ممتاز): http://bit.ly/2uVq5GP
- مبرد/ براية لسنون البرجل (إجباري لو برجل بسنون عريضة):
لما ترسم بالبرجل سنونه هتحتاج تتبري كل فترة من الزمن عشان ترجع رفيعة تاني.
- اسطمبة المسح (ملهاش لازمة):
عبارة عن صفيحة لو انت عاوز تمسح جزء صغير من الرسمة بالأستيكة من غير ما تمسح الرسمة كلها بتغطي الرسمة بالصفيحة ما عدا الجزء الصغير وبتمسح، وعشان هي معدن بتنثني بسرعة وبتكون سيئة، الأفضل تستخدم ورقة في الوظيفة دي.
صورة: http://bit.ly/2uRMp44
- الماجيك تيب/ البلاستر (إجباري):
ده عشان تثبت بيه اللوحة في المكان اللي بترسم عليه، بيكون لزق من نوع خاص وسهل يتشال من على ورق اللوحة من غير ما يقطعها، ولونه أبيض نفس لونها.
- الفوطة (اختياري):
لما بتمسح بالأستيكة بيكون فيه بواقي منها، هتنفضها بإيدك أو تنفخها؟ أكيد لأ عشان لو عملت كده اللوحة هتتوسخ وهتنقص درجات. هنا بييجي دور الفوطة إنها تنضفلك اللوحة، وكمان تنضف المكان اللي هترسم عليه لو مليان تراب.
- بودرة التلك (ملهاش لازمة):
بتكون للحفاظ على نضافة اللوحة، الحقيقة مش المفروض المبالغة للدرجادي، ومجرد بعض الاهتمام بنضافة الأدوات وتنشيف العرق (عشان ميلطشِّ اللوحة) هيكون أفضل.
- البوردة (اختياري):
بتستعملها كمكان للرسم في البيت وبتثبت عليها اللوحة وترسم، ضروري هتحتاجها لو معندكش ترابيزة بحافة مستقيمة (عشان تثبت راس المسطرة الـ T).
- البالطو الأبيض (إجباري):
مينفعش تدخل ورشة الإنتاج الترم الأول (السكاشن) أو معمل الكيمياء (السكاشن العملية) من غيره، عشان يحمي هدومك من إنها تتوسخ هناك.
- شنطة الكيمياء (إجباري):
شنطة أدوات خاصة بمعمل الكيمياء في الترم التاني، وعشان مينضحكش عليك فهي فيها:
فوطة - أربع أنابيب اختبار زجاجية - حامل أنابيب - ماسك أنابيب نحاسي - نظارة وقاية - فرشة تنظيف للأنابيب - جوانتيين
- الاستوب وُتش/ ساعة الإيقاف (اختياري):
المفروض دي بتجيبها عشان تستعملها في امتحان عملي الفيزياء لو التجربة محتاجة قياس وقت (لاحظ إن استعمال الموبايل ممنوع)، الأفضل تجيبها ومجموعة من زمايلك وتتبادلوا استعمالها، لأن عن نفسي جبتها وحظي مكانش فيه ولا تجربة محتاجة قياس وقت فمستعملتهاش خالص.
• النتيجة والتنسيق:
عشان بس متتفاجئش فالنتيجة في هندسة إسكندرية بتاخد فترة طويلة جدًا لحد ما تطلع، خاصة نتايج كل فاينل، يعني مثلًا نتيجة أول ترم ظهرت قبل فاينل الترم التاني بكام أسبوع، ونتيجة السنة كلها لسا ظاهرة بعد نتيجة الثانوية العامة، أما نتيجة التنسيق فبتكون قبل الدراسة بيومين : )
نتيجة أعمال السنة ودرجات الميد تيرم بتطلع كدرجات عادي، نتيجة الترم الأول بتطلع كتقديرات لكل مادة، ونتيجة السنة بتطلع كتقديرات لكل مادة وجنبها المجموع الكلي والترتيب على الدفعة، والتقديرات كالتالي:
ممتاز: ٨٥٪ فما فوق
جيد جدًا: ٧٥٪ لحد قبل الممتاز
جيد: ٦٥٪ لحد قبل الجيد جدًا
مقبول: من درجة النجاح ٥٠٪ لحد قبل الجيد
ضعيف: من ٣٠٪ لحد درجة النجاح
ضعيف جدًا: أقل من ٣٠٪
قبل صدور النتيجة بحوالي أسبوعين بينزل موقع للتنسيق بتسجل فيه وبتكتب رغباتك، وقبل الدراسة بأسبوعين بيقفل، وقبلها بيومين بتطلع نتيجته.
عشان بس متتفاجئش فالنتيجة في هندسة إسكندرية بتاخد فترة طويلة جدًا لحد ما تطلع، خاصة نتايج كل فاينل، يعني مثلًا نتيجة أول ترم ظهرت قبل فاينل الترم التاني بكام أسبوع، ونتيجة السنة كلها لسا ظاهرة بعد نتيجة الثانوية العامة، أما نتيجة التنسيق فبتكون قبل الدراسة بيومين : )
نتيجة أعمال السنة ودرجات الميد تيرم بتطلع كدرجات عادي، نتيجة الترم الأول بتطلع كتقديرات لكل مادة، ونتيجة السنة بتطلع كتقديرات لكل مادة وجنبها المجموع الكلي والترتيب على الدفعة، والتقديرات كالتالي:
ممتاز: ٨٥٪ فما فوق
جيد جدًا: ٧٥٪ لحد قبل الممتاز
جيد: ٦٥٪ لحد قبل الجيد جدًا
مقبول: من درجة النجاح ٥٠٪ لحد قبل الجيد
ضعيف: من ٣٠٪ لحد درجة النجاح
ضعيف جدًا: أقل من ٣٠٪
قبل صدور النتيجة بحوالي أسبوعين بينزل موقع للتنسيق بتسجل فيه وبتكتب رغباتك، وقبل الدراسة بأسبوعين بيقفل، وقبلها بيومين بتطلع نتيجته.
• درجات الرأفة والتخلف والدبلرة:
الرسوب في مادة بيكون عن طريق الأحداث التالية:
- الحل في ورقة الامتحان أقل من ٣٠٪ منها، ساعتها المادة تقديرها بيكون رسوب لايحة، وأعمال السنة مبتتضافش حتى لو الطالب جايب فيها الدرجة النهائية.
- الحل أكتر من ٣٠٪ من ورقة الامتحان بس أعمال السنة لما تتضاف للطالب مبتخليهوش يجيب درجة النجاح ٥٠٪ في المادة، فيسقط فيها ويكون تقدير المادة ضعيف أو ضعيف جدًا حسب النسبة.
أحيانًا الطالب بيحل بحيث يجيب أقل من درجة النجاح بفرق بسيط، فهيكون سيئ إنه يرسب في المادة عشان درجتين أو تلاتة. كل طالب متاح له ٣٠ درجة اسمهم درجات رأفة، لما تحصل حاجة من دي بيتاخدوا من مادة تانية هو ناجح فيها بحيث متغيرش درجات تقديرها، وبحيث إن الدرجات اللي فاضلاله على النجاح متزيدش عن ١٠٪ من درجات المادة.
مثلًا واحد جايب في الكيمياء ٤٥ (نجاحها من ٥٠) وجايب في الحاسبات ٦٤، هتتاخد ٥ درجات من الحاسبات عشان يجيب درجة نجاح الكيمياء، أما لو مثلًا جايب في الحاسبات ٦٦ فمينفعش يتاخد أكتر من درجة واحدة منها عشان ساعتها التقدير هيتغير، فالدرجات دي هتتاخد من مادة تانية. طيب واحد جايب ٣٩ في الكيمياء؟ ساعتها ملهوش درجات رأفة لأنه ناقص عن النجاح ١١ درجة (أكتر من ١٠٪ من مجموع الكيمياء الكلي).
في هندسة إسكندرية مفيش حاجة اسمها "دور تاني" أو سمر كورس، بالتالي لو حد رسب في مادة أو مادتين هيتخرج من إعدادي بتقدير اسمه «تخلف»، والمواد اللي سقط فيها مجموعها مش بينضافله على مجموعه الكلي، وبيخش قسم عادي، بس بيعيد المواد دي تاني مع إعدادي وهو في سنة أولى قسم (عشان كده فيه مجاميع بتكون أقل من ٥٠٪، قسم غزل ونسيج كان واخد من ٣٧٪ مثلًا لأن فيه ناس بتكون ساقطة في مواد مجموعها كبير زي الفيزياء والرياضيات «٣٠٠ درجة» فمجموعها بينقص جامد).
أما الطالب اللي بيسقط في أكتر من مادتين في سنة إعدادي بيعيد السنة (بيدبلر) وبتكون آخر سنة ليه، يعني لو سقط السنة تاني بيتفصل من الكلية.
وبالنسبة لطلاب التخلفات والمدبلرين المواد اللي بيعيدوها أقصى درجة ليها بيكون ٦٤.٩٪ (أقصى حاجة للمقبول)، يعني حتى لو هو مقفل المادة مش بتتحط درجة أعلى من دي.
الرسوب في مادة بيكون عن طريق الأحداث التالية:
- الحل في ورقة الامتحان أقل من ٣٠٪ منها، ساعتها المادة تقديرها بيكون رسوب لايحة، وأعمال السنة مبتتضافش حتى لو الطالب جايب فيها الدرجة النهائية.
- الحل أكتر من ٣٠٪ من ورقة الامتحان بس أعمال السنة لما تتضاف للطالب مبتخليهوش يجيب درجة النجاح ٥٠٪ في المادة، فيسقط فيها ويكون تقدير المادة ضعيف أو ضعيف جدًا حسب النسبة.
أحيانًا الطالب بيحل بحيث يجيب أقل من درجة النجاح بفرق بسيط، فهيكون سيئ إنه يرسب في المادة عشان درجتين أو تلاتة. كل طالب متاح له ٣٠ درجة اسمهم درجات رأفة، لما تحصل حاجة من دي بيتاخدوا من مادة تانية هو ناجح فيها بحيث متغيرش درجات تقديرها، وبحيث إن الدرجات اللي فاضلاله على النجاح متزيدش عن ١٠٪ من درجات المادة.
مثلًا واحد جايب في الكيمياء ٤٥ (نجاحها من ٥٠) وجايب في الحاسبات ٦٤، هتتاخد ٥ درجات من الحاسبات عشان يجيب درجة نجاح الكيمياء، أما لو مثلًا جايب في الحاسبات ٦٦ فمينفعش يتاخد أكتر من درجة واحدة منها عشان ساعتها التقدير هيتغير، فالدرجات دي هتتاخد من مادة تانية. طيب واحد جايب ٣٩ في الكيمياء؟ ساعتها ملهوش درجات رأفة لأنه ناقص عن النجاح ١١ درجة (أكتر من ١٠٪ من مجموع الكيمياء الكلي).
في هندسة إسكندرية مفيش حاجة اسمها "دور تاني" أو سمر كورس، بالتالي لو حد رسب في مادة أو مادتين هيتخرج من إعدادي بتقدير اسمه «تخلف»، والمواد اللي سقط فيها مجموعها مش بينضافله على مجموعه الكلي، وبيخش قسم عادي، بس بيعيد المواد دي تاني مع إعدادي وهو في سنة أولى قسم (عشان كده فيه مجاميع بتكون أقل من ٥٠٪، قسم غزل ونسيج كان واخد من ٣٧٪ مثلًا لأن فيه ناس بتكون ساقطة في مواد مجموعها كبير زي الفيزياء والرياضيات «٣٠٠ درجة» فمجموعها بينقص جامد).
أما الطالب اللي بيسقط في أكتر من مادتين في سنة إعدادي بيعيد السنة (بيدبلر) وبتكون آخر سنة ليه، يعني لو سقط السنة تاني بيتفصل من الكلية.
وبالنسبة لطلاب التخلفات والمدبلرين المواد اللي بيعيدوها أقصى درجة ليها بيكون ٦٤.٩٪ (أقصى حاجة للمقبول)، يعني حتى لو هو مقفل المادة مش بتتحط درجة أعلى من دي.
تعليقات
إرسال تعليق