track 1

طيب سلام عليكم جميعا 
مش عارف ابدأ كلامى منين بس السمة الاساسية فى الحياة هى التغيير. 
دلوقتى انا شايف كتير فيكم بيتكلموا عن IOT و 5G ممتاز جدا الكلام دا 
وشايف ناس بتتكلم عن ال automation و ان ال embedded system الطلب عليه زيادة الفترة دى برضه الكلام دا عظيم 
انتوا بتتكلموا عن مستقبل قريب مش بعيد ولا حاجة انتوا ليه شايلين نفسكم من الصورة 
ال network features virtualization وال Cloud RAN 
ال internet of things كله communication concepts طلبة اتصالات هى اللى بتدرسها وبتنفذها ليه طلعتوا نفسكم من الصورة. 
بتقولوا ان فى مصر ال embedded شادد الطلب عليه ( الكلام دا صح مليون فى المية ) 
Valeoo عامله تارجت رهيب من التعيين الفترة دى 
ليه منقولش انهم فى الوقت اللى كانوا ماشين فيه ب rate أقل علشان متطلبات السوق قليلة 
دلوقتي ماشيين ب rate اعلى كتير علشان يعوضوا اللى فاتهم 
ال Iot هيخلى كل حاجة بتكلم كل حاجة 
بس نقطه علشان نبقى عارفين احنا فين. 
كل ما فى الموضوع ان سوق الاتصالات اكبر محرك ليه هو ال Operators وال Customer demands 
يعني على سبيل المثال تفتكروا ممكن فودافون مثلا تخلى ال 4G فى مصر يوصل بعد يومين ل 300 ميجا ؟ 
هل فى مصر فى عدد كاف من الموبايلات يسمح للسرعه دى 
هى ه invest فى ال resources اللى عندها علشان توصل لل target دا 
بالمناسبة انا عملت اول 4G+ فى الشرق الاوسط ووصلت لسرعه 1.2 gbps 
بس معملتش ال test دا بموبايل لان مفيش موبايل فى العالم بيقدر يعمل processing للسرعات دى 
لكن ال Macro site يقدر ي transmit دا 
هنا هنوقف عند نقطه السوق عايز ايه وامتى. دا بيتغير من بلد لبلد 
تعالوا لمصر على سبيل المثال 
ال 4G لسه بيقول يا هادي واحنا بنتكلم فى Bandwidth تقريبا 10 ميجا Max او يمكن اقل 
ال cycle لل 4G لسه بتبدأ فى مصر اللى موقفها دلوقتي ان الاستثمار الى حد ما عوايده مبهمه علشان سعر الدولار مش ثابت 
ببساطه شركتي كسبت مثلا 10 مليون جنيه فابقول للشركه الام اه انا كسبت تقريبا مليون دولار 
وتانى يوم بقولها لالا دول طلعوا 500 الف دولار بس 
مش عايز اطول فى النقطه دى . 
__________________
الوضع برا مصر وفى اغلبية البلاد علشان مكونش بضحك عليهم لا 2017 مفيهاش حجم مشاريع اتصالات جبارة الا تقريبا فى عدد قليل من البلاد 
على عكس ان 2015/2016 شهدوا مشاريع عجيبه الشكل 
الفكرة ان المشاريع خلصت فى قبل ميعادها والسوق اللى هو الموبايلات وال users عندهم capacity كفايا من ال resources 
اه ال 4K نزل شوية اما ينزل على الموبايلات ويبدا فعلا الناس عجبها تتفرج على الفيديوهات بالل stream دا اوك زودلهم ال data rate واعمل carrier aggregation و و وو 
لكن دا ممكن يتاخر شوية وفعلا انا شايف ان المشاريع دلوقتى قلت عن السنتين اللى فاتوا 
انا بشتغل فى Global team واشتغلت فى هونج كونج-قطر- السعودية- الاردن وغيره 
ال cycle هترجع تشتغل تانى ممكن بعد 6 شهور مثلا علشان ترجع ب rate معقول بس فى الوقت دا الشركات الكبيرة بتجهز للاتى 
___________________________________________
ال Cloud RAN - ال NFV وغيره 
هو دا اللى الدنيا بتجهزله فى مصر كويس اكيد انك تحطه فى بالك من النهاردة 
بس مصر فى الشغل اللى فيها لسه بنتكلم عن الاسلوب النمطي اللى لسه بيقدم كتير من احتياجاتنا 
استثمار فى غير ميعاده لا يعتبر استثمار 
دا رائي 
زاكره الحاجات دى وياسلام لو فعلا فى مصر الناس طلبت ناس تبدا معاهم ال SOLUTION دا 
لكن برضه ماتنسوش اننا لسه فى اول cycle ال LTE 
operator جديد بيفتح 
فا لسه في فرص شغل 
النقطه بس فى التوقيت 
______________________________________________________
انا زيكم الفرق ما بينا مش كبير 
اشتغلت بس من سنتين وخدت ال LTE بعد ما الناس فعلا وافقت عليه محاضرتش ال LTE ك concepts على الورق بس 
فاكان بالنسبالي waste of time انى اهتم مثلا ب ال 2G ودا اللى تم 
وكنت بذاكر 3G و 4G بس 
زي زيكم عايز ابدا Cloud وببدا مزاكره فيه مفيش اختلاف هيكون بيني وبينكم فى النقطه دى 
_________________________________________
الماتريال عموما بجهزهالكم اول ما اوصل لحاجة فعلا سهل انكم تبدوا بيها 
___________________
ITI 
بصراحه انا مصدقت اتخرج ومكنتش طايق جو المحاضرات والكلام دا 
بس بحب اذاكر كنت مستغرب الناس اللى قدمت فى ITI علشان تتاخر عن فرص العمل 9 شهور تانين 
صراحه الحمد لله الناس دي خيبت ظني لان ال courses كانت cloud وغيره مكنتش فى نفس الحاجات اللى اتعلمتها انا فى الشغل 
فالناس دى بدأت الشغل من نقطه كويسة فاحطوا ITI ك option قوي ليكم بعد التخرج 
ITI /NTI 
___________________________________________________
اتمني يكون كلامي كان بسيط وانا هرجع اكلمكم تانى اكتر من مرة واسمع لكلامكم واسئلتكم 
لو حد ليه راي تانى ياريت يشاركنا بيه لان وجهات النظر بتختلف على حسب طبيعه المكان اللى انت شغال فيه 
انا عمري ما اشتغلت فى مصر يدوبك بروح مكتب مصر ايام قليلة فى البلد فانا نفسي بسال ناس جوا البلد الحال وصل لايه 
اتمني اكون افدتكم 
______________________________________________
ياريت تكونوا سبب من التغيير اللى انتوا شايفينه بيحصل حواليكم