DEVICES 3
أنا مشروع تخرجي كان FinFET .. و كان باختصار circuit design مش devices.
ناس قالتلي إنهم عايزين يشتغلوا FinFET و أنا فعلا كلمت د. هاني عن الموضوع و بنشوف لسه.
ف أنا بس حابب أوضح كذا حاجه:
1- قبل ما تشتغل FinFET او new technology عموما ف انت محتاج تجاوب السؤال بتاع انت ليه هتعمل كده. مش الاجابة النظرية بتاعة ان ده ال trend و اني اكيد هجيب specs احسن و كده، لأنها اصلا مش دايما كده و طبعا بتبقى على حساب ال cost.
فالسؤال اللي لازم تبقى ليه إجابة واضحه جدا قبل ما حد يبدأ هو ليه انت كمشروع تخرج بكالريوس تشتغل ب FinFET.
اجابة مقنعه هي انك تتعلم ال technology دي "على سبيل التعلم او ال research". بس قصادها بقى تعرف إنك هتخسر مهارات التعامل مع ال technologies المستخدمه اصلا في الشركات و هتضيق على نفسك فرص الشغل جامد. يعني لو دورت في كام شركة IC Design شغاله FinFET هتلاقيهم في range 10 او 15 على مستوى العالم. و حتى لو FPGA فأرخص واحدة مثلا تقريبا سعرها 2500$.
مثال، لو اشتغلت UMC 130 nm مثلا في احتمالية لو شغلك كويس انك تطلع tape out فهتاخد experience رهيبة. ده مستحيل في ال FinFET.
ف لو حد حابب .. اعتقد انه محتاج يحسبها صح و يشوف هو هيضحي بايه في سبيل ايه و هو مستعد لده و للا لأ.
2- ال IC Design بال FinFET مآساوي شوية لعدم وجود PDK او information from the fab. فهتلاقي ال models مش calibrated و فيه files ناقصه و قصص كبيرة ممكن تعملك distraction عن شغلك و تضيع وقتك
3- شغل ال FinFET على مستوى ال Devices .. انا شايف انه ملوش لازمه في مشروع تخرج عشان ماحدش هيلحق يعمل حاجع محترمه نسبيا.
============================
طيب انا ليه اشتغلت FinFET أصلا بقى.
في اجازة سنة تالته كنت في Internship في احد ال research centers ف دي كانت ال plan و ال interests بتاعة الدكتور يعني. و كنا شغالين على Asynchronous standard cells
بس أنا شخصيا كنت interested ساعتها اني اعرف ال flow بتاع ال std cells و اتعلمت شوية في ال asynchronous design فاعتبرت نفسي مستفيد. كمان بدات افهم كويس ال physics نسبيا.
بعدها سعيت اني اكمل على ال FinFET علشان عجبني ال research و اني اشتغل على حاجه جديدة و اشوف ال performance بتاع ال technology دي في circuits مختلفه عامل ازاي. عارف اني خسرت قصادها حاجات و كسبت حاجات و ضيقت على نفسي فرص شغل. بس أنا satisfied يعني.
بس مشروعنا كان circuit design مش devices علشان ما نخسرش ال field ده تماما.
تعليقات
إرسال تعليق