DEVICES 1
أنا محمد عمر، طالب دكتوراه في جامعة Carnegie Mellon بدرس استخدام الجرافين علشان نعمل بيها دواير analog. كنت معيد فيزياء و اشتغلت في منتور، نيوبورت ميديا و سيليكون فيجن analog design.
شغلي في الدكتوراه كان device design, fabrication, modeling و characterization و بقالي أهه 6 سنين و هانت إن شاء الله 
أولاً: إحنا كطلبة هندسة مش عباقرة فيزياء و رياضة زي ما بيحب يهيء لنا. بالعكس إحنا رياضياً و فيزيائياً مش في مستوى أكثر من طالب أولي أو ثانية علوم. لكن علشان بنعرف نحل معادلات درجة ثانية و نعمل شوية Signal Processing خفاف بيهيْ لينا إننا جامدين جداً و ده مش حقيقي. عمر ما هيتساوى واحد درس تخصص 4 سنين بحد درس مادة أو مادتين في التخصص حتى لو لخمس سنين.
ثانياً: جزء كبير من دراستنا عبارة عن نظري و simulation. معندناش خبرة تصنيع عملي نهائي و معندناش خبرة Characterization إلا لو حد عمل مشروع فيه حاجات زي كدة. بقول الكلام ده دلوقتي ليه، لإن جزء كبير من الخبرة بيكون في الحاجات دي مش في كتب لكن متناقل من حد خبير لحد أصغر و هرجع للنقطة دي في الشغل.
طيب لو حد عايز يشتغل devices يعمل إيه؟
خلينا الأول نبص على الصناعة و نشوف هي عبارة عن إيه الأول. ال semiconductor industry حجمها أكثر من 330 مليار دولار و بتتعامل مع عدد مهول من ال customers و بالتالي فهي صناعة ليها ثقل كبير و معتمدة على مكونتهاً داخلياً بشكل كبير (Circuits/Devices/Systems/Software). كل ما تقرب من ال customer كل ما كان عدد المهندسين المطلوب أكثر، و كل ما كانت فرص الشغل أسهل. بالنسبة لل devices فدول أبعد ناس عن الcustomer و نتيجة إن شركات كثبر بتتجه لنموذج ال fabless نتيجة إن تكلفة التشغيل و بناء foundaries عالية جداً فده بيحد جداً من فرص العمل مقارنة بباقي الstack.
خلينا الأول نبص على الصناعة و نشوف هي عبارة عن إيه الأول. ال semiconductor industry حجمها أكثر من 330 مليار دولار و بتتعامل مع عدد مهول من ال customers و بالتالي فهي صناعة ليها ثقل كبير و معتمدة على مكونتهاً داخلياً بشكل كبير (Circuits/Devices/Systems/Software). كل ما تقرب من ال customer كل ما كان عدد المهندسين المطلوب أكثر، و كل ما كانت فرص الشغل أسهل. بالنسبة لل devices فدول أبعد ناس عن الcustomer و نتيجة إن شركات كثبر بتتجه لنموذج ال fabless نتيجة إن تكلفة التشغيل و بناء foundaries عالية جداً فده بيحد جداً من فرص العمل مقارنة بباقي الstack.
الأماكن اللي فيها شغل حالياً على حد علمي هي Intel, IBM/Global Foundaries,Micron,IMEC/TSMC/SMIC/UMC. العدد ده قليل جداً بالنسبة لشركات باقي ال stack لكن نتيجة إنها عملية تصنيع معقدة ففيها تخصص كبير، على سبيل المثال في شغل عملي و نظري و simulation في الآتي:
1. Device Design and optimization
2. Device Contact Engineering
3. Interconnect Engineering
4. Semiconductor Processing Optimization
5. OPC and RET engineering
6. CAD Engineering and Support
7. Photolithography Sources
8. Photolithography Optics Engineering
9. Testing and Characterization
10.Extraction and Modelling
11. Gate Oxide Engineering
12. Inter-layer dielectric engineering
1. Device Design and optimization
2. Device Contact Engineering
3. Interconnect Engineering
4. Semiconductor Processing Optimization
5. OPC and RET engineering
6. CAD Engineering and Support
7. Photolithography Sources
8. Photolithography Optics Engineering
9. Testing and Characterization
10.Extraction and Modelling
11. Gate Oxide Engineering
12. Inter-layer dielectric engineering
و كل واحد من دول ممكن يتفك من جواه لتخصصات أكثريعني مثلاً ال Processing فيه متخصصين metal sputtering, dielectric sputtering, dielectric ALD, Photolithography Chemistry Optimization فبالتالي عدد المهندسين مش قليل لكن التخصص دقيق جداً (ماجستير أو دكتوراه) و الحركة فيه قليلة.
في ناس شغالين من تخصصات الكترونيات و فيزياء و علوم مواد و كيمياء و رياضيات و هندسة ميكانيكية و بصريات. بالتالي ماينفعش تتخيل إنك محيط بكل ده و لازم تكون متخصص. على سبيل المثال: ممكن تعمل تصميم device يكون حلو و جميل لكن مش عملي أو ياخد أكثر من 10 سنين علشان يتصنع زي ال Gate-All-Around ده غير طبعاً إنك شغال في قلب الصناعة حرفياً و تكلفة المجازفة عالية فبالتالي إنت لو مش شغال في ال scaling physics and fabrication optimization بشكل مباشر ممكن يكون الشغل بطيء بس ده علشان لازم الناس تحسب كل خطوة كويس جداً غير إن العملي مشاكله كثير جداً مش بالسهولة اللي تبان على الورق. علشان نحس بالصورة ممكن خطوة ال contact metal deposition تاخد شهور علشان تتظبط في حين إنها تبان مجرد خطوة في النظري.
ده غير طبعاً إنك شغال في قلب الصناعة حرفياً و تكلفة المجازفة عالية فبالتالي إنت لو مش شغال في ال scaling physics and fabrication optimization بشكل مباشر ممكن يكون الشغل بطيء بس ده علشان لازم الناس تحسب كل خطوة كويس جداً غير إن العملي مشاكله كثير جداً مش بالسهولة اللي تبان على الورق. علشان نحس بالصورة ممكن خطوة ال contact metal deposition تاخد شهور علشان تتظبط في حين إنها تبان مجرد خطوة في النظري.
طيب كدة لو عايز تشتغل بقى تعمل إيه:
1. حدد إنت عليز عملي أو نظري. القرار ده فرق السماء من الأرض للإن طبيعة كل شغل مختلفة تماماً عن الثاني و مشاكلهم مختلفة تماما. في الحالتين لازم تسافر و تنافس كوكب الأرض على شغل
2. قوي نفسك جداً في الرياضة و الفيزياء و الكيمياء و الإحصاء و ديناميكا حرارية و انتقال حرارة و موائع و ميكانيكا المواد. هتحتاجهم كلهم لو عايز تفهم بجد ايه اللي بيحصل و مايكونش مجرد تكرار لشيء معروف. على الأقل اعرف فكرة معقولة عنهم، كلهم هيفيدوك و صدقني هتحتاجهم.
3. حضر ماجستير أو دكتوراه في جامعة مشهور عنها الشغل اللي إنت عايزه لإن ده بيسهل فرص حصولك على شغل في المجال لإن الشركات بتكون قريبة من الجامعات دي.
4. اعرف الناس اللي غيرك محتاجين إيه و بيدوروا على إيه و إيه اللي موقفهم في شيء معين. إنت مش عايش معزول لكن جزء من منظومة و لازم كله يكون فاهم الصورة الكبيرة.
5. إستعين بالناس المصريين و المعارف. اللي بيحب يخدم هيخدم و اللي مش عايز أو مش قادر هيعتذر. ده ميزعلش و الناس ظروفها غير بعض.
6. استعد و اعمل اللي عليك و توكل على الله.
1. حدد إنت عليز عملي أو نظري. القرار ده فرق السماء من الأرض للإن طبيعة كل شغل مختلفة تماماً عن الثاني و مشاكلهم مختلفة تماما. في الحالتين لازم تسافر و تنافس كوكب الأرض على شغل
2. قوي نفسك جداً في الرياضة و الفيزياء و الكيمياء و الإحصاء و ديناميكا حرارية و انتقال حرارة و موائع و ميكانيكا المواد. هتحتاجهم كلهم لو عايز تفهم بجد ايه اللي بيحصل و مايكونش مجرد تكرار لشيء معروف. على الأقل اعرف فكرة معقولة عنهم، كلهم هيفيدوك و صدقني هتحتاجهم.
3. حضر ماجستير أو دكتوراه في جامعة مشهور عنها الشغل اللي إنت عايزه لإن ده بيسهل فرص حصولك على شغل في المجال لإن الشركات بتكون قريبة من الجامعات دي.
4. اعرف الناس اللي غيرك محتاجين إيه و بيدوروا على إيه و إيه اللي موقفهم في شيء معين. إنت مش عايش معزول لكن جزء من منظومة و لازم كله يكون فاهم الصورة الكبيرة.
5. إستعين بالناس المصريين و المعارف. اللي بيحب يخدم هيخدم و اللي مش عايز أو مش قادر هيعتذر. ده ميزعلش و الناس ظروفها غير بعض.
6. استعد و اعمل اللي عليك و توكل على الله.
تعليقات
إرسال تعليق