cv

السلام عليكم يا شباب 🌺🌸
جيتلكم النهاردة بوست هام جدا جدا هتحتاجه وانت بتقدم على تدريبات فى بعض الأماكن أو interns برا خلال الفترة الجاية أو خلال بعد التخرج وتقديمك للشغل الا و هو انك تعمل cv
فقبل ما نتكلم (البوست منقول لانى مكسل اكتب المحتوى بتاعه ) و قبل ما نتكلم مش لازم الcv يكون فسيخ أو ف اى حاجه ابدأ بيه ولو مجرد اسمك و كليتك و بعد كده هيكبر كل ما تجتهد و بالتوفيق للجميع up ومنشن لزمايلك علشان تعم الفائده
"لو حد حابب يعمل CV انا جمعت كل حاجة عنه .. دي الخلاصة تقريبا 🌸

اولا :: هتفتح برنامج ال word عشان تعمله عليه و لو عايزه pdf بعد اما تعمله بتدوس save as pdf
بتستخدم في الكتابة خط Times New Roman, Arial اما الخطوط "خط الأسم بيكون من 20-22 pt و عناوين الفقرات بيكون 12pt و باقى الكلام 11 pt "

ثانيا :: بتبدا تكتب و خد بالك ان ال cv بيبقي متقسم لكذا جزء
1- Personal information
و دا اول جزء بتكتب فيه الاسم / ال E-mail "ياريت يكون فورمال و ميبقاش باسم الدلع 😂" / رقم التليفون / العنوان "اسم المكان بدون تفصيل " / Linked in profile "هنتكلم عنه بعدين"
2- Summary
نبذة مختصرة عنك متعديش 4 اسطر( انت مين / بتعمل ايه / ايه مميزاتك / ليه اختارك انت عن غيرك.)
3- Education
اسم الجامعة ثم الكلية و التخصص و التقدير لو فوق الجيد و فترة الدراسة "سنة الالتحاق + سنة التخرج"
4- Experience
لو اشتغلت قبل كدا في اي مكان بتكتب اشتغلت ايه و المدة من امتي لامتي و متقللش من قيمة اي شغلانة
فمثلا لو كنت مقدم sales و عرفت انك اشتغلت في محل هدوم صغير اكيد هافضلك لانك عندك خبرة
5- Extra Curricular Activates
و دي بتبقي للانشطة الطلابية
لو اتطوعت في مكان بتكتب اسم المكان و البوزيشن بتاعك
و لو شاركت في تنظيم اي ايفينت اكتبه
6- Courses
بتحط اسماء الكورسات اللي خدتها و عناوين محتوياتها و التاريخ و المكان اللي خدت فيه الكورس و لو في شهادة معتمدة بتكتب الكود بتاعها
و لو كورسات اونلاين بتحطها في قسم و تسميه ال Moocs
7- Skills
Computer skills مهاراتك فى استخدام الكومبيوتر
Language skill مهاراتك فى اللغة
Technical Skill مهاراتك الفنية

ثالثا :: دي بعض الملاحظات لازم تاخد بالك منها 😌
1- مبتحطش صورة غير لو هو اللي طلب و ساعتها لازم تبقي صورة فورمال مش سيلفي و متحطش عليها اي اطار
2-الأسم بيتكتب ثلاثى زى البطاقة فى اول الصفحه فوق و العنوان يكون مختصر بيشمل المحافظة، المدينه
3- الميل الفورمال هو اسمك الأول.اسمك الأخير@اى حاجه.com و لو منفعش زود رقم او اتنين او اختصر اسمك بحرف مثلا
4- ممكن تحط لينك الفيس بوك بتاعك لو ميزه لو هتقدم مثلا على شغل فى السوشيال ميديا و كنت شغال و عامل نماذج على البروفيل بتاعك
5-الخبرات بتتكتب من الأحدث للأقدم
6- الطلبة الخبرة بتاعتهم من العمل التطوعى و التدريبات الصيفيه و المنح
7- مبنكتبش فى الـ CV حاجه اسمها ICDL خالص لأنها محو اميه كمبيوتر
8- بتكتب البرامج اللى بتشتغل عليها و تكتب قصاد كل برنامج مدى اجادتك ليه

تقريبا دي كل حاجة عن الcv "