قسم اتصالات

*قسم اتصالات* 

واحد من أقسام هندسه الغنيه بمجالاتها وأهم المجالات دى :
- Embedded and Software (النظم المدمجة)
- Optics
- Microwaves
- Electronics
- Networks
- Telecommunications
- Academia "هنفرق بين اتجاه industry والعمل الأكاديمي"
..........
وهنبدأ بشرحها بشكل سريع كالتالى :

1-Embedded and Software
ودا مجال دا مشترك ما بين اتصالات وحاسبات 😀
مجال الإمبيديد ببساطه هو مجال بيبقى عندك مشكلة انت عاوز تعملها نظام تحل المشكلة دي، عن طريق مكونات جاهزة، كل اللي عليك انك بتختار المكونات دي وتتحكم فيها. مثال على كدا: كل أنواع الروبوت: بيبقى عبارة عن حاجات بتحرك الروبوت و سنسورز بتفهم البيئة المحيطة بيه سواء كاميرات أو سنسورات حركة زي الألتراسونيك.. وكمان بيبقى فيه مايكروكونترولر دا اللي بيتحكم في السيستم وبياخد كل القرارات.

لمعلومات أكتر ممكن من الجروب دا : ECE Knowledge Exchange

2-تخصصات ال Optics و ال Microwave :

المجال كله يعتمد على ال Electromagnetics، وتحديدا معادلات ماكسويل.. اللي وصلتنا للاخر لمعادلة الموجة الكهرومغناطيسية (الضوء).
الأوبتكس عبارة عن استغلال علم الضوء في التطبيقات الهندسية المختلفة، وليها تطبيقات كتير سواء في عمل نظام ضوئي معين زي الكاميرا والمايكروسكوب، أو الفايبر سينسورز، ودي عبارة عن نظام الضوء فيه عشان يقيس حاجه معينه، أو حتى integrated optics وفيه اتجاه حاليا انهم يخلوا كل الوصلات بتاعت ال IC تكون optical
الميكرو ويف هو عبارة انك بتدرس ال Electromagnetic Wave من اول انتشارها ( عن طريق الــ antenna) مرورا بانتشارها في أوساط مختلفة، لحد ما بتوصل (receiver) ، وبرده بتدرس مكونات الدوائر الاليكترونية العادية بس في ال Microwave range فطبعا المكونات دي سلوكها بيتغير.

3- electronics او في رواية اخري الVLSI

باختصار شديد جدا انت بتعمل شريحة الكترونية "chip " مكونة من ملايين الترانزستورات بتؤدي وظيفة معينة
زي ايه كده .. زي البوردة الصغيرة بتاعة الكمبيوتر والموبايل الخضرا دي او كارت الذاكرة
الطريق ده فيه سكتين
Analog
وده بتتعامل فيه مع المكونات الاساسية زي المقاومات والمكثفات والترانزستورات
Digital
وده بتتعامل غالبا فيه مع البوابات المنطقية والجبر الثنائي اللي انت خدت نبذة عنهم في ثانوي
الشغل ..في شركات design في مصر تقريبا 14 شركة ومصادر التعلم بتاعته متوافره، ممكن تشوفوا VLSI-Egypt هيوفرلكوا مصادر كتير.
ملحوظه: الإليكترونكس مش إنك تعمل روبوت خالص، الكلام دا يندرج تحت الإمبيديد سيستم مش إليكترونيكس

..........
آخر حاجه هيا اننا نفرق بين إتجاهين ما بعد التخرج، ال industry و ال academia
ال industry انك تشتغل في شركة بعد التخرج، ال academia انك تكمل دراسات عليا، وطبعا فيه ناس بتعمل الاتنين مع بعض
الشغل في الشركات فلوسها أكتر بكتير من إنك تشتغل في البحث، اللي هو موجود في مصر في أماكن زي الجامعة الأمريكية وزويل. وطبعا لو حد حابب يسافر بعد ما يتخرج فمن الأفضل انه يشتغل في ال research وهو لسه في البكالريوس. سواء في الكلية هنا ( فيه دكاترة هنا اه)، او في جامعات تانية بره المنصورة.
فرص الشغل في المجال في مصر قليلة 😀 ولكن بره مصر الموضوع مختلف أكيد. وكمان نسبة السفر في المجال دا عالية
نقلا عن فريق هنحاول جامعة المنصورة