التسميات

قسم عمارة

**الهندسة المعمارية**

قسم الفرافير🤔 .. اي مهندس مدني ممكن ياخد كورس ويشتغل شغل عمارة ع فكرة 😏 بعيدا عن كل الأساطير اللي ملهاش أي اساس من الصحة 🙄😒 قسم عمارة منفصل عن قسم مدني بس دايما بيكملوا بعض لأن قسم عمارة بيختص بالرسم والتصميم لأي مُنشأ أو مبنى معماري ، بتدرس فيه معظم مواد الرسم الهندسي المعماري والمناظير وبيركز في مجال التصميم والرسم وتقدر أنك تبدع في كل تصميم بأسس بتتعلمها في القسم ... 
(المعماري الناجح هو اللي بيُمكّن المبنى أنه يؤدي وظيفته بأحسن شكل ) 😃
------------------------------
مجالات العمل :
١- مهندس تصميم معماري
٢- مهندس ديكور وتصميم داخلي
٣- مهندس مكتب فني (حصر كميات وتحضير لوحات الموقع )
دول بيشتغلوا في مكاتب هندسة معمارية لكن لو تحب تنزل مواقع فأنت ممكن تكون :
٤- مهندس موقع تنفيذ
فيه مهنة جديدة بدأت تظهر وهي:
٥- مصور معماري وتحترف التصوير الفوتوجرافي
٦- ممكن تشتغل مهندس ترميم لو مهتم بالتراث وترميم المباني
-------------------------------
بعد سنة أولى بتحتاج تتعلم كذا برنامج لأنهم هيكونوا هما الtools اللي هتترجم أفكارك
فبتحتاج تتعلم برامج 2D زي ( autocad ، revit )
وبرامج 3D وأشهرهم (3D max ، sketchup)
وبرامج الاظهار زي (photoshop ، illustrator )
------------------------------
أهم المواد اللي هتدرسها ع مدار ال٤ سنين هي :
التصميم المعماري بتكون الأولوية فيها أنك تتعلم تصميم المبنى ونظرياته وتحقيق وظيفته + تحقيق نظام انشائي يخلي تنفيذه ممكن
الانشاء ودي في سنة ثالثة بيبقى اسمها تنفيذية بتتعلم فيهم ازاي ترسم لوح يكون عليها كل البيانات اللي تخليها تنفع تتنفذ في الموقع
بتدرس كل ترم لحد سنة رابعة مادة من قسم مدني علشان يكون عندك اساس كويس للنظم الانشائية وتصاميمك ينفع تتنفذ في الواقع ومتكونش خيالية 
-------------------------------
أخيرا قسم عمارة أكثر قسم بيحتاج تعاون الدفعة مع بعضها ومع بقية الدُفع في أنهم يشاركوا معلوماتهم مع بعض وتعلم البرامج
نقلا عن فريق هنحاول جامعة المنصورة

الفروع:

تعليقات

إرسال تعليق

المشاركات الشائعة