قسم الهندسة المدنية
*الهندسة المدنية*
المهندس المدنى هو اللى بيقوم بتصميم وتنفيذ المنشآت والمهندس الشاطر هو اللى يقدر يستغل كل الامكانيات ويوظفها بأقل التكاليف فى ظل ارتفاع اسعار الخامات المستمر ,, طبعا الاشراف على المشروعات والقدرة على التعامل مع العمال لازم يكون ميزة اساسية فى مهندس المدنى لان لازم يفرض شخصيته وكمان احتكاكة بالعملاء والعمال بيتطلب خبرته فى التعامل مع الناس
مهندس المدنى يقدر يشتغل حر او فى مكتب انشاءات او التوظيف فى شركات المقاولات
#مجالات_العمل كمهندس مدنى فى الآتى:
تصميم المبانى السكنيه
الاشراف على تنفيذ اعمال البناء
اعمال ترميم المبانى القديمه
تصميم الاساسات وقيام بعمل جسات للتربه
تصميم خزانات للمياه
تصميم شبكه مياه والصرف الصحي للمدينه او لقريه
القيام بعمل مساحي لمنطقه ما
عمل خرائط لمناطق مطلوبه
تصميم طرق
تصميم نوع التربه تحت الطريق
تصميم المطارات
تصميم الكباري
تصميم شبكه الري الحديث والتقليدي فى المناطق الزراعيه
عمليات للمساحات الكبيره
تصميم المنشات المعدنيه
تصميم المشروعات المائيه مثل الهدارت والقناطر
--------------------------
#مجالات_الدراسة:
هندسة طرق وكبارى ,,انشاءات وتشييد ,,خرسانة ,,هندسة صحية ,,هندسة الرى ,,المساحه ..هندسة المواد
دى كلها شعب داخل مدنى وكلها اختصاصات مهمه ومحتاجها سوق العمل وبتتدرس ككورسات طول الاربع سنين مدة الدراسة وممكن تختار فيها مشروع تخرجك
القسم مش محتاج الطالب المثالى الدحيح لكن محتاج واحد صحته حلوه
😂😂هتسمع كلام كتير ان مدني قسم الشيتات وكله نقل بدون فهم
مش هضحك عليك و اقولك ان ده مبيحصلش . لا بيحصل بس محتاج توضيح
انت بيتطلب منك في كل مادة مثلا متوسط 5 شيتات في الترم الشيتات دي بتكون عبارة عن اسأله على اجزاء المنهج و هدفها انها تخليك تذاكر اول بأول و تحل على الى بيتشرحلك و لو انت عاوز تتميز عن الباقي هتعمل كدا فعلا
اما لو ركبت مركب الشعب و كبرت دماغك هتيجي اخر كل ترم و هتتزنق وقت التسليم و هتلجأ لمصطلح نقل الشيتات و فونسة اللوح الى بيضيعوا وقتك و مش بيفدوك بحاجه غير الكام درجه على عليهم ..
و موضوع ان طلبة مدني بيحفظوا و بس دي بقي جمله عاريه تماما من الصحه و الى يأكد كدا ان كتير من المواد بتبقي اوبن بوك او على اضعف الايمان بيديك ورقة بالقوانين بس مش معنى كدا ان معندناش حفظ لا عندنا بس تقريبا زي الاقسام التانية في حاجات مبنفعش ليها غير الحفظ و خليك دايما متأكد انك مش هتحفظ غير لما تفهم ..
نقلا عن فريق هنحاول جامعة المنصورة
تعليقات
إرسال تعليق