قسم البناء والتشييد (BCE)
قسم البناء والتشييد (BCE)
الدراسة بتنقسم ل3 أجزاء1/ قسم إنشاءات وما يتبعه من المواد المطلوبة من أي مهندس مدني "خرسانه ومقاومة واستيل وهكذا "
2/قسم عمارة وده عبارة عن مادتين تقريبا او3 ومادة اختياري او اتنين من قسم عمارة بتاخد فيهم مدخل أو قشور من قسم عمارة وبالتالي مبتوصلش لمرحلة التخصص في القسم ولذلك مبيفتحش مشروع من قسم عمارة.
3/جزء الإدارة ودي حاجة بتميز القسم بشكل بسيط للي حابين شغل إدارة المشاريع في القسم بتتعمق في دراسة الشق ده وبناخد3 مواد اجباري و مادتين اختياري فيها محتوي جيد الي حد كبير.
هنا هنيجي لنقطة #الفرق_عن_قسم_مدني
مبتاخدش أي مواد من قسم أشغال عامة غير الطرق ومبتتعمقش فيها بشكل كبير فاللي عايز يكمل فيها مش هيفيدة القسم إلا لو عندة استعداد يشتغل ويطور نفسة بنفسة.
الدكاترة بتنقسم لقسمين:
دكاترة من برا الكلية ودول في الغالب في المواد تبع متطلبات الجامعه مثلا اللغة والتسويق ونظم مالية دول غالبا بيكونوا كويسين في التعامل .
دكاترة الكلية هم هماهم بمشاكلهم بشيتاتهم بكل حاجة الحلو في مدني حلو في القسم والوحش في مدني وحش في القسم.
#المزايا
1/لو كنت جامد جدا ممكن تتخرج بدري بس هتفضل تذاكر طول الأربع سنين صيف وشتا وضاغط نفسك بشكل كبير علشان تخلص ال180 ساعة (شرط التخرج)
2/ ممكن تسجل المواد وتخفف علي نفسك براحتك .
3/لو بتحب الإدارة القسم هيحطك علي اول الطريق وفي محتوي كويس.
#العيوب
1/طبعا في نقطة تسجيل المواد الطبيعية في نظام الساعات المعتمدة هنا مشكلة اول ترم واسجل ايه وماسجلش اية و اللي عايز ساعات علشان عايز يتخرج ومعاناة بداية كل ترم تاني اسوا فترة بعد فترة الامتحانات لمدة أسبوعين بتلف علي الأدارة وكل واحد يرميك علي التاني وفي الاخر بتضطر تسجل علي مزاجهم الا لو كنت من القلة الواصلة وفي الحالة دي هترتاح.
2/ مفيش درجات رافة ممكن تبقي واقف علي درجتين وتنجح والدكتور مش راضي لو قلبت قرد مش هتعرف تعمل حاجة.
3/النجاح من 60%.
4/كل سنة سعر الساعه بيزيد 10% لكل دفعة جديدة .
5/ واذا كنت هتاخد سمر يبقي سعر الساعه بتاعتك هيزيد 25%عن اللي بتدفعة في الترم العادي.
6/مش عيب ومش ميزة لكن الغياب مهم ولازم تحضر .
7/علشان المادة لازم تتاخد علي ترم واحد أحيانا الدكاترة بتضغط المحتوي علشان الترم يكفي فبيبقي في ضغط كبير احيانا
8/مفيش إيقاف قيد يعني لو في ترم عايز تاجلة لاي ظرف لازم تسجل 12 ساعة وتدفعهم وتبقي تسحبهم اخر الترم (السحب علشان مياثرش علي تقديرك).
تعليقات
إرسال تعليق