تعريف بكلية الهندسة 2
تعريف بكلية الهندسة
• المواد:
الدراسة في إعدادي هندسة اسكندرية كشرح بتكون بالعربي، أما ترميز الأرقام في الرياضيات والفيزياء وغيره بتكون بالإنجليزية زي كل العالم.
المواد في الكلية عبارة عن نوعين، مواد مستمرة بتدرسها في الترمين (زي الرياضيات في أولى ثانوي)، ومواد منتهية بتدرسها في ترم واحد بس (زي الفلسفة والفيزياء في أولى ثانوي برضه)، وبشكل عام هما عشر مواد اللي هتدرسهم طول السنة، في الترم الأول هتدرس فيزياء ورياضيات ورسم وإسقاط هندسي وميكانيكا (استاتيكا) وإنتاج وحاسبات وحقوق إنسان، في الترم التاني هتدرس فيزياء ورياضيات ورسم وإسقاط هندسي وميكانيكا (ديناميكا) وكيمياء ولغة إنجليزية وتاريخ هندسي، وفي التالي هنتكلم عنهم بالتفصيل:
١- الفيزياء:
انسى فيزياء ثانوي خالص، في الكلية هتبدأ تدرس الفيزياء الحقيقية اللي بتكون معتمدة على التفاضل والتكامل.. قليل جدًا ما هتضطر تحفظ نظري والامتحان كله عبارة عن مسائل (لو فيه نظري بيكون معتمد على الفهم).
- المحتوى في الترم الأول:
الفيزياء الحرارية: درجة الحرارة وانتشارها في الأجسام اللي أشكالها مختلفة.
الديناميكا الحرارية: الطاقة الحرارية وتحولاتها من صورة للتانية لما الجسم أحواله تختلف.
المرونة: التغيرات البسيطة اللي بتحصل في شكل الأجسام لما تنطبق عليها قوى.
انسياب الموائع: حركة السوائل والغازات في الأنابيب.
اللزوجة: اللزوجة بتاعة السوائل وإزاي بتأثر على حركتها.
الحركة الدورانية: حركة الحاجات اللي بتلف حوالين نفسها، شبه اللي درسناه في فيزياء تانية ثانوي.
- المحتوى في الترم التاني:
الفيزياء الكهربية: منهجها متركز على الكهرباء الاستاتيكية الساكنة (مش التيار الكهربي المتحرك، يعني مختلفة عن اللي درسته في تالتة)، فانت هتدرس قوة الانجذاب بين شحنتين (سبب انجذاب قطع الورق الصغيرة للقلم لما تحكه في شعرك)، والمجال الكهربي الناتج عن شحنة موجودة في أشكال مختلفة من الأجسام، والمكثفات
الفيزياء المغناطيسية: قريبة شوية من تالتة ثانوي، هتدرس فيها المجال المغناطيسي الناشئ عن تيار كهربي بيمر في أشكال مختلفة من الأجسام، وحركة شحنة في المجال ده.
البصريات: مسار الضوء في العدسات وأشكالها المختلفة (شبه اللي درسناه في تالتة إعدادي).
- مصادر الدراسة المُرشحة:
الكتاب: ميعتمدش عليه في دراسة كاملة، وفيه حاجات كتير ملغية (حتى بعض الدكاترة مبينصحوش بشراؤه)، بس هو كلامه الكتير بيفهم الـ concepts بتاعة الفيزياء بدل ما تخش في دراسة القوانين مباشرة، يعني كويس تقرأ عن الموضوع منه قبل ما تبدأ مذاكرة. متوفر للشراء.
ورق الكورسات: متوفر لمعيدين كتير ورق كورسات كويس ومبسط وبيشرح كل حاجة.
- السكشن:
سكاشن الفيزياء بتكون أسبوع سكشن نظري وأسبوع سكشن عملي، السكشن النظري المعيد بيحل وبيشرح فيه مسائل الشيتات وانت مش مطالب تحل حاجة فيه (ومفيهوش غياب)، في السكشن العملي بتتقسموا مجموعات صغيرة وكل مجموعة بتعمل تجربة، وبيكون عليه درجة غياب.
- نظام الامتحانات:
اختياري (MCQ) في كل من الميد تيرم والفاينل.
امتحان العملي بيكون في المعمل وهتعمل تجربة بإيدك، أما الشفوي فمن اسمه الدكتور هيسألك شوية الأسئلة.
- توزيع الدرجات:
المادة عليها ٣٠٠ درجة، ١٥٠ لكل ترم متوزعين كالتالي:
٩٠ امتحان فاينل
٢٠ امتحان ميد تيرم
٢٠ امتحان عملي
١٠ امتحان شفوي
١٠ غياب سكشن العملي
٢- الرياضيات:
منهج الرياضيات وخاصة التفاضل والتكامل قريب جدًا من منهج تالتة ثانوي، بس بمستوى تفاصيل أعلى وأفضل وأكثر متعة، مش مجرد صيغ محفوظة زي ثانوي. الرياضيات دايمًا بتكون متقسمة لفرعين طول السنة ودكاترتهم مختلفين عن بعض، هما «التفاضل والتكامل» و«الرياضيات الأساسية».
- المحتوى في الترم الأول:
من فرع التفاضل والتكامل هتدرس التفاضل، وفيه حساب المثلثات واشتقاق الدوال المختلفة وإثباتات كتير.
من فرع الرياضيات الأساسية هتدرس الجبر، وفيه الكسور الجزئية (تقسيم كسر جبري لعوامله الأولية)، ونظرية ذات الحدين، والمصفوفات.
- المحتوى في الترم التاني:
من فرع التفاضل والتكامل هتدرس التكامل، وفيه تكاملات الصور المختلفة من الدوال والمساحة تحت سطح منحنى.
من فرع الرياضيات الأساسية هتدرس الهندسة التحليلية والأشكال المختلفة للمنحنيات، وأساسيات نظرية الاحتمال.
باختصار، الترم الأول هتدرس تفاضل وجبر، الترم التاني هتدرس تكامل وهندسة تحليلية.
- مصادر الدراسة المُرشحة:
محاضرات د. إسلام عبد المقصود المكتوبة في التفاضل والتكامل: متوفرة للترمين، وتعتبر أفضل مصدر ممكن تذاكر منه اللي عليك، بتشرح الفكرة الأساسية وبعدها الأمثلة بكل تفصيل.
محاضرات د. ميرڤت ميخائيل المكتوبة في الحبر: متوفرة للترم الأول، ممتازة وتعد مثيلة محاضرات د. إسلام بس في الجبر.
كتاب الجبر: وهو الكتاب الرسمي بتاع أعضاء هيئة التدريس، ممتاز جدًا ويعتبر أفضل بديل لمحاضرات د. ميرڤت في الترم التاني. متوفر على الانترنت.
عامة مرشحش أي ورق كورسات في الرياضيات لأن المصادر اللي فوق مستواها أفضل بكتير من كل الورق اللي شفته.
- السكشن:
بيكون كل أسبوع سكشن على الموضوع اللي اتشرح في الأسبوع اللي فات، الغرض الأساسي منه حل الطلاب لبعض مسائل شيت الرياضة مع المعيد وتسليمها (بس المعيدين دايمًا بيشرحوا قبل الحل). في نهاية الترم عشوائيًا بيتم اختيار ٥ سكاشن وبيتاخد ورق حلك فيهم، ودرجة السكشن بتتحط على أساسهم (يعني مثلًا لو اختاروا أسبوع انت غايب فيه مش هتتحطلك درجته)
- نظام الامتحانات:
الفرعين بتمتحنهم مع بعض دايمًا (يعني مش كل فرع معاد مختلف)، بس نظام امتحانهم بيختلف: فرع التفاضل والتكامل كتابة في كل من الميد تيرم والفاينل، فرع الرياضيات الأساسية اختياري (MCQ) في كل من الميد تيرم والفاينل.
- توزيع الدرجات:
المادة طول السنة عليها ٣٠٠ درجة زي الفيزياء، ١٥٠ كل ترم متوزعين كالتالي:
١٠٥ امتحان فاينل
٤٠ امتحان ميد تيرم
٥ سكاشن الرياضيات
٣- الرسم الهندسي والإسقاط الهندسي:
في كل مواد كلية الهندسة دي الوحيدة اللي هتحسسك إنك مهندس، نظرًا للصورة التقليدية عن المهندسين إنهم بيقعدوا على لوحة ويرسموا وكدا : )
المادة من اسمها عبارة عن فرعين، وكل واحد له محاضرات مختلفة وسكاشن مختلفة ودكاترة مختلفين.
- المحتوى في الترم الأول:
الرسم:
العمليات الهندسية الأساسية (هيبدأ بحاجات شبه العمليات الهندسية بتاعة تالتة ابتدائي زي تنصيف زاوية)، هتخش في أنواع الخطوط والدوائر والأقواس، لحد ما توصل معاك إنك ترسم حاجات زي دي: http://bit.ly/2AkIEJR
الأيزومترك واستنتاج المساقط، وفيهم هيديك شكل زي ده http://bit.ly/2A8Eog6 (اسمه أيزومترك) ويطلب منك تجيب مساقطه التلاتة (يعني شكله لما تبصله من فوق، ومن الجنب، ومن الجنب التاني)
استنتاج المسقط التالت، وفيه هيديك مسقطين بس من اللي كنت بتستنتجهم فوق وهيطلب منك تستنتج التالت.
رسم الأيزومترك نفسه، وفيه هترسم الأيزومترك الـ 3D زي اللي فوق.
الإسقاط:
عمرك فكرت في شكل الأجسام المختلفة لما تبصلها من فوق أو من الجنب؟ فيه علم كامل اسمه الهندسة الوصفية معمول عشان كده، هتدرس فيه إسقاط النقطة والمستقيم والمستوى وبعض العمليات والمسائل عليهم وعلى الأشكال في الفراغ عامة.
- المحتوى في الترم التاني:
الرسم:
رسم الأيزومترك: بس الفرق عن الترم الأول إنك هتدرس رسم الدواير فيه (بتبان بشكل بيضاوي)، وهتتعلم ترسم فيه منحنيات بشكل عام.
القطاعات والتهشير: لو جبنا منشار وقطعنا الأيزومترك، تعتقد إيه اللي هيبان من جوة؟ فيه هتاخد رسم المساقط التلاتة للأيزومترك بس بعد قطعها من حتة معينة.
الاستيل: هتدرس فيه مساقط الإنشاءات المعدنية، وإللي بتكون بالشكل ده مثلًا: http://bit.ly/2A6YAz0 وهترسم فيه مساقط بس مش 3D.
الأوتوكاد: برنامج الرسم والتصميم الهندسي اللي فوق، هتتعلم ترسم فيه كل اللي رسمته بإيدك من منهج الترم الأول.
الإسقاط:
الترم ده في الرسم عامة متوسع في المنحنيات، فهتاخد ناتج تقاطع الأسطح الدورانية (زي كرة ومخروط) وطرق تعيينه.
هتدرس شكل الظل الناتج عن الأجسام المختلفة.
هتدرس المنظور المعماري، حاجة شبه الرسم الـ 3D لأشكال مختلفة: http://bit.ly/2A6ZnzY
الحفر والردم: لما تكون عندك أرض مايلة ومحتاج تبني عليها فانت محتاج تخلي الحتة اللي هتبني عليها أفقية، هنا انت هتدرس تعمل كده إزاي بالإسقاط.
- مصادر الدراسة المُرشحة:
الرسم: محاضرات د. ماجد نجيب المصورة، موجودة على يوتيوب.
الإسقاط: كتاب الكلية كويس جدًا في شرحه بس محتاج شوية مجهود، بالإضافة لحلول مسائله في ورق الكورسات.
الأوتوكاد: شرح المعيد لو ركزت معاه هيكون ممتاز وكافي، غير كده عندك الانترنت.
- السكشن:
الرسم: سكشن أسبوعي، وهيكون مطلوب منك فيه ترسم لوحة كاملة في فترة السكشن أو مجرد تدريبات جوا اسكتش الرسم، وبينطلب واجب برضه تسلمه في السكشن وبيكون أحد الحاجين اللي فوق.
الإسقاط: سكشن كل أسبوعين، ومطلوب منك تحل تمرينات من كتاب الإسقاط.
الأوتوكاد: واللي بيكون في الترم التاني، سكشن كل أسبوعين، بدايته شرح من المعيد وبينتهي بكويز بسيط عليه درجة السكشن.
- نظام الامتحانات:
الرسم: في الترم الأول بيكون فيه ميد للرسم، وفاينل. وفي الترم التاني مفيش ميد (بيكون الأوتوكاد مكانه) وفيه فاينل بس. امتحان الرسم بيجيبلك ترسم رسمة من كل نوع درسته، بس بتكون أبسط بكتير من المطلوبة في السكاشن.
الأوتوكاد: آخر سكشن أوتوكاد في الترم التاني بيكون عبارة عن امتحان فيه وبتتحطلك عليه درجته.
الإسقاط: في كل ترم عندك امتحان ميد تيرم وفاينل.
- توزيع الدرجات:
الرسم له ٣٠٠ درجة متقسمين لـ ١٥٠ كل ترم، ومتوزعين كالتالي:
رسم (١٠٠ درجة):
٦٠ امتحان الفاينل
٣٠ درجة السكاشن
١٠ امتحان الميد تيرم (بتكون للأوتوكاد في الترم التاني)
إسقاط (٥٠ درجة):
٣٠ امتحان الفاينل
١٠ امتحان الميد تيرم
١٠ درجة السكاشن
٤- الميكانيكا:
علم حركة الأجسام اللي درسناه في تالتة ثانوي، بينقسم طبعًا للاستاتيكا والديناميكا، بناخد الاستاتيكا الترم الأول والديناميكا الترم التاني، وأكيد معروف الفرق بين الفرعين.
في الحقيقة المادة دي مش محتاجة شرح إطلاقًا للمحتوى، لأن هو هو اللي خدناه في ثانوي مع اختلاف صعوبة ومستوى الدراسة وفروقات بسيطة في المنهج.
بالمناسبة، من المواقف الطريفة اللي حصلتلنا الترم الأول مع د. يحيى منير (أحد دكاترة الفيزياء المتميزين) بعد امتحان ميد تيرم استاتيكا لطيف إنه سأل: «إيه الفرق بين الاستاتيكا والديناميكا؟»
فكان ردنا بثقة الطالب الدحيح: «الديناميكا بتدرس تأثير القوى على الأجسام المتحركة، لكن الاستاتيكا بتدرس توازن الأجسام الساكنة»
فلقيناه بيقول: «لأ.. الاستاتيكا شلتوها الترم ده، الديناميكا لسا هتشيلوها الترم الجاي».. بس يا سيدي وفُتِس الطلاب جميعًا.
- مصادر الدراسة المُرشحة:
كتاب الكلية: مفصل وبيشرح بلغة علمية رصينة، بس مش مبسط وكلامه كتير. كويس كقراءة قبل الدراسة الفعلية لفهم الـ concepts. بس للأسف مش متوفر للشراء أو على الانترنت، تقدر تصوره من دفعة قديمة.
ورق الكورسات: نفس الفيزياء، كويس وبيشرح بأسلوب ممتاز.
- السكشن:
سكشن شرح فقط ومفيهوش غياب ومعليهوش درجات.
- نظام الامتحانات:
اختياري أميركان، في كل من الميد تيرم والفاينل.
- توزيع الدرجات:
٢٠٠ درجة طول السنة متقسمين ١٠٠ لكل ترم، ومتوزعين كالتالي:
٧٠ امتحان الفاينل
٣٠ امتحان الميد تيرم
٥- الإنتاج:
مادة مختارة من قسم إنتاج، وفيها أساسيات التصنيع والعمليات الصناعية اللي بتجرى على المواد الخام لحد ما توصل للمنتج النهائي، زي السباكة (من سبيكة) واللحام والتفريز وغيره.
- مصادر الدراسة المُرشحة:
كتاب الكلية كافي جدًا، وشرحه سهل ومبسط وواضح.
- السكشن:
سكشن عملي كل أسبوعين وبيكون في الورشة، وفيه هتشوف العمليات الصناعية المذكورة فوق وهي بتتعمل قصاد عينك، وعليه غياب.
- نظام الامتحانات:
اختياري (MCQ) في كل من الميد تيرم والفاينل، وعلى آخر السنة فيه امتحان اسمه "عملي" بس بيبقى اختياري برضه.
- توزيع الدرجات:
٦٠ امتحان الفاينل
٢٠ امتحان الميد تيرم
١٠ امتحان عملي
١٠ أعمال سنة السكاشن
٦- الحاسبات:
مادة مختارة من قسم حاسبات، وهتدرس فيها جزء نظري عن مكونات نظم الحاسب من هاردوير وسوفتوير وأساسياته وكيفية عمله، وهتتطرق للكلام عن الخوارزميات ولغة الآلة ولغات البرمجة، وطبعًا أنظمة العد المختلفة. بعد كده هيكون النص التاني من المادة عن البرمجة بلغة البايثون ٢.٧، وهتدرس فيه عباراتها الأساسية وبرامج صغيرة.
- مصادر الدراسة المُرشحة:
كتاب الكلية: ملهوش لازمة.
ورق الكورسات: يعتبر مثالي لمذاكرة الحاسبات.
- السكشن:
سكشن شرح والمعيد بيحل أسئلة الشيت، وفيه أسابيع بيكون فيها كويز (٤ كويزات في الترم) درجة السكشن بتتحط على الكويزات دي.
- نظام الامتحانات:
اختياري (MCQ) في الميد تيرم والفاينل.
- توزيع الدرجات:
المادة من ١٠٠ درجة متوزعين كالتالي:
٦٠ امتحان الفاينل
٣٠ امتحان الميد تيرم
١٠ كويزات السكاشن
٧- الكيمياء:
السنادي هتكون نظرية جدًا بعيدًا عن كثرة المعادلات زي ثانوية عامة، هتدرس موضوعات مختلفة ممكن نقسمهم لجزئين، الأول عن الكيمياء بشكل عام شبه اللي درسته في ثانوي وفيه مسائل بسيطة وكده، والتاني عن الاستخدامات الهندسية للكيمياء زي مكونات الأسمنت ومخلفات احتراق الوقود.
- مصادر الدراسة المُرشحة:
كتاب الكلية: واضح وبسيط وبيفهم المعلومة، بس كلامه كتير، وفيه حاجات ملغية، متوفر على الانترنت.
ورق الكورسات: كله شبه بعضه، بس ميزتهم إنهم مبسطين جدًا أكتر من الكتاب وفي بعض الأحيان بيدوا تفاصيل أكتر.
- السكشن:
سكشن أسبوعي في نفس المعمل بيتنوع بين النظري والعملي، أول السكاشن الكيمياء هتكون عملية وهتدرس "الكشف عن الشقوق الحامضية والقاعدية للأملاح" وهتعمل التجارب بإيدك والأمر هيكون ممتع جدًا (مش محتاج تحفظ حاجة كمان، هيكون معاك جدول بالكواشف والنواتج بتستعمله طول السكشن).
- نظام الامتحانات:
امتحان الميد تيرم هيكون كتابة، امتحان العملي هيكون عملي وفي المعمل، امتحان الفاينل هيكون اختياري أميركان.
- توزيع الدرجات:
المادة كلها عليها ١٠٠ درجة، متوزعين كالتالي:
٦٠ امتحان فاينل
٢٠ امتحان الميد تيرم
١٠ امتحان العملي
١٠ درجة أعمال سنة السكشن
٨- اللغة الإنجليزية:
المادة مش معتمدة على اللغة أكتر منها معتمدة على حفظ كلمات كتير ليها علاقة بالمجال الهندسي، بالإضافة لبعض الجرامر الخفيف جدًا زي المضارع البسيط. هتدرس كذا درس كل واحد فيهم عن موضوع مختلف مع حفظ كلماته.
- مصادر الدراسة المُرشحة:
الحقيقة المادة دي أكتر واحدة شحيحة المصادر وكل مصادرها المتوفرة رديئة، بس ورق الكورسات يفي بالغرض مع إنك هتعاني منه. بالإضافة لإن الدكتورة بتنبه في المحاضرة على قطع من الكتاب وبتيجي في الامتحان.
- السكشن:
مفيش سكاشن خاصة بالمادة.
- نظام الامتحانات:
كتابة في كل من الميد تيرم والفاينل، مع بعض الاختياري على نسق امتحانات الإنجليزي بتاعة المدرسة.
- توزيع الدرجات:
المادة عليها ٥٠ درجة متوزعين كالتالي:
٣٥ امتحان الفاينل
١٥ امتحان الميد تيرم
٩- التاريخ الهندسي:
مادة نظرية عبارة عن موضوعات مختلفة منتقاة من كل الأقسام بتديك فكرة عنهم، يعني هتدرس عن منشآت الري (من قسم مدني)، وعن تاريخ الاتصالات (من قسم كهرباء اتصالات)، وعن مصادر الطاقة (من قسم كهرباء قوى) وعن تاريخ الغزل والنسيج (من قسم غزل ونسيج).
- مصادر الدراسة المُرشحة:
سلايدات الدكاترة: مفصلة جدًا والامتحان مش هيخرج عنها، بس كلامها كتير.
ملخص البشمهندس أحمد وليد: زميلنا ليلة الامتحان كان عامل ملخص ممتاز للمادة سايب فيه المعلومات المهمة وشايل الدش الكتير.
- السكشن:
مفيش سكاشن خاصة بالمادة.
- نظام الامتحانات:
اختياري (MCQ) في الفاينل، مفيش امتحان ميد تيرم.
- توزيع الدرجات:
المادة عليها ٥٠ درجة كلهم على امتحان الفاينل.
١٠- حقوق الإنسان:
مادة نظرية غير ذات أهمية والدكتور بيدي الامتحان وحله في آخر محاضرة، المادة نجاح ورسوب ومعليهاش درجات (ومحدش رسب في الدفعة إلا اللي غايبين).
الدراسة في إعدادي هندسة اسكندرية كشرح بتكون بالعربي، أما ترميز الأرقام في الرياضيات والفيزياء وغيره بتكون بالإنجليزية زي كل العالم.
المواد في الكلية عبارة عن نوعين، مواد مستمرة بتدرسها في الترمين (زي الرياضيات في أولى ثانوي)، ومواد منتهية بتدرسها في ترم واحد بس (زي الفلسفة والفيزياء في أولى ثانوي برضه)، وبشكل عام هما عشر مواد اللي هتدرسهم طول السنة، في الترم الأول هتدرس فيزياء ورياضيات ورسم وإسقاط هندسي وميكانيكا (استاتيكا) وإنتاج وحاسبات وحقوق إنسان، في الترم التاني هتدرس فيزياء ورياضيات ورسم وإسقاط هندسي وميكانيكا (ديناميكا) وكيمياء ولغة إنجليزية وتاريخ هندسي، وفي التالي هنتكلم عنهم بالتفصيل:
١- الفيزياء:
انسى فيزياء ثانوي خالص، في الكلية هتبدأ تدرس الفيزياء الحقيقية اللي بتكون معتمدة على التفاضل والتكامل.. قليل جدًا ما هتضطر تحفظ نظري والامتحان كله عبارة عن مسائل (لو فيه نظري بيكون معتمد على الفهم).
- المحتوى في الترم الأول:
الفيزياء الحرارية: درجة الحرارة وانتشارها في الأجسام اللي أشكالها مختلفة.
الديناميكا الحرارية: الطاقة الحرارية وتحولاتها من صورة للتانية لما الجسم أحواله تختلف.
المرونة: التغيرات البسيطة اللي بتحصل في شكل الأجسام لما تنطبق عليها قوى.
انسياب الموائع: حركة السوائل والغازات في الأنابيب.
اللزوجة: اللزوجة بتاعة السوائل وإزاي بتأثر على حركتها.
الحركة الدورانية: حركة الحاجات اللي بتلف حوالين نفسها، شبه اللي درسناه في فيزياء تانية ثانوي.
- المحتوى في الترم التاني:
الفيزياء الكهربية: منهجها متركز على الكهرباء الاستاتيكية الساكنة (مش التيار الكهربي المتحرك، يعني مختلفة عن اللي درسته في تالتة)، فانت هتدرس قوة الانجذاب بين شحنتين (سبب انجذاب قطع الورق الصغيرة للقلم لما تحكه في شعرك)، والمجال الكهربي الناتج عن شحنة موجودة في أشكال مختلفة من الأجسام، والمكثفات
الفيزياء المغناطيسية: قريبة شوية من تالتة ثانوي، هتدرس فيها المجال المغناطيسي الناشئ عن تيار كهربي بيمر في أشكال مختلفة من الأجسام، وحركة شحنة في المجال ده.
البصريات: مسار الضوء في العدسات وأشكالها المختلفة (شبه اللي درسناه في تالتة إعدادي).
- مصادر الدراسة المُرشحة:
الكتاب: ميعتمدش عليه في دراسة كاملة، وفيه حاجات كتير ملغية (حتى بعض الدكاترة مبينصحوش بشراؤه)، بس هو كلامه الكتير بيفهم الـ concepts بتاعة الفيزياء بدل ما تخش في دراسة القوانين مباشرة، يعني كويس تقرأ عن الموضوع منه قبل ما تبدأ مذاكرة. متوفر للشراء.
ورق الكورسات: متوفر لمعيدين كتير ورق كورسات كويس ومبسط وبيشرح كل حاجة.
- السكشن:
سكاشن الفيزياء بتكون أسبوع سكشن نظري وأسبوع سكشن عملي، السكشن النظري المعيد بيحل وبيشرح فيه مسائل الشيتات وانت مش مطالب تحل حاجة فيه (ومفيهوش غياب)، في السكشن العملي بتتقسموا مجموعات صغيرة وكل مجموعة بتعمل تجربة، وبيكون عليه درجة غياب.
- نظام الامتحانات:
اختياري (MCQ) في كل من الميد تيرم والفاينل.
امتحان العملي بيكون في المعمل وهتعمل تجربة بإيدك، أما الشفوي فمن اسمه الدكتور هيسألك شوية الأسئلة.
- توزيع الدرجات:
المادة عليها ٣٠٠ درجة، ١٥٠ لكل ترم متوزعين كالتالي:
٩٠ امتحان فاينل
٢٠ امتحان ميد تيرم
٢٠ امتحان عملي
١٠ امتحان شفوي
١٠ غياب سكشن العملي
٢- الرياضيات:
منهج الرياضيات وخاصة التفاضل والتكامل قريب جدًا من منهج تالتة ثانوي، بس بمستوى تفاصيل أعلى وأفضل وأكثر متعة، مش مجرد صيغ محفوظة زي ثانوي. الرياضيات دايمًا بتكون متقسمة لفرعين طول السنة ودكاترتهم مختلفين عن بعض، هما «التفاضل والتكامل» و«الرياضيات الأساسية».
- المحتوى في الترم الأول:
من فرع التفاضل والتكامل هتدرس التفاضل، وفيه حساب المثلثات واشتقاق الدوال المختلفة وإثباتات كتير.
من فرع الرياضيات الأساسية هتدرس الجبر، وفيه الكسور الجزئية (تقسيم كسر جبري لعوامله الأولية)، ونظرية ذات الحدين، والمصفوفات.
- المحتوى في الترم التاني:
من فرع التفاضل والتكامل هتدرس التكامل، وفيه تكاملات الصور المختلفة من الدوال والمساحة تحت سطح منحنى.
من فرع الرياضيات الأساسية هتدرس الهندسة التحليلية والأشكال المختلفة للمنحنيات، وأساسيات نظرية الاحتمال.
باختصار، الترم الأول هتدرس تفاضل وجبر، الترم التاني هتدرس تكامل وهندسة تحليلية.
- مصادر الدراسة المُرشحة:
محاضرات د. إسلام عبد المقصود المكتوبة في التفاضل والتكامل: متوفرة للترمين، وتعتبر أفضل مصدر ممكن تذاكر منه اللي عليك، بتشرح الفكرة الأساسية وبعدها الأمثلة بكل تفصيل.
محاضرات د. ميرڤت ميخائيل المكتوبة في الحبر: متوفرة للترم الأول، ممتازة وتعد مثيلة محاضرات د. إسلام بس في الجبر.
كتاب الجبر: وهو الكتاب الرسمي بتاع أعضاء هيئة التدريس، ممتاز جدًا ويعتبر أفضل بديل لمحاضرات د. ميرڤت في الترم التاني. متوفر على الانترنت.
عامة مرشحش أي ورق كورسات في الرياضيات لأن المصادر اللي فوق مستواها أفضل بكتير من كل الورق اللي شفته.
- السكشن:
بيكون كل أسبوع سكشن على الموضوع اللي اتشرح في الأسبوع اللي فات، الغرض الأساسي منه حل الطلاب لبعض مسائل شيت الرياضة مع المعيد وتسليمها (بس المعيدين دايمًا بيشرحوا قبل الحل). في نهاية الترم عشوائيًا بيتم اختيار ٥ سكاشن وبيتاخد ورق حلك فيهم، ودرجة السكشن بتتحط على أساسهم (يعني مثلًا لو اختاروا أسبوع انت غايب فيه مش هتتحطلك درجته)
- نظام الامتحانات:
الفرعين بتمتحنهم مع بعض دايمًا (يعني مش كل فرع معاد مختلف)، بس نظام امتحانهم بيختلف: فرع التفاضل والتكامل كتابة في كل من الميد تيرم والفاينل، فرع الرياضيات الأساسية اختياري (MCQ) في كل من الميد تيرم والفاينل.
- توزيع الدرجات:
المادة طول السنة عليها ٣٠٠ درجة زي الفيزياء، ١٥٠ كل ترم متوزعين كالتالي:
١٠٥ امتحان فاينل
٤٠ امتحان ميد تيرم
٥ سكاشن الرياضيات
٣- الرسم الهندسي والإسقاط الهندسي:
في كل مواد كلية الهندسة دي الوحيدة اللي هتحسسك إنك مهندس، نظرًا للصورة التقليدية عن المهندسين إنهم بيقعدوا على لوحة ويرسموا وكدا : )
المادة من اسمها عبارة عن فرعين، وكل واحد له محاضرات مختلفة وسكاشن مختلفة ودكاترة مختلفين.
- المحتوى في الترم الأول:
الرسم:
العمليات الهندسية الأساسية (هيبدأ بحاجات شبه العمليات الهندسية بتاعة تالتة ابتدائي زي تنصيف زاوية)، هتخش في أنواع الخطوط والدوائر والأقواس، لحد ما توصل معاك إنك ترسم حاجات زي دي: http://bit.ly/2AkIEJR
الأيزومترك واستنتاج المساقط، وفيهم هيديك شكل زي ده http://bit.ly/2A8Eog6 (اسمه أيزومترك) ويطلب منك تجيب مساقطه التلاتة (يعني شكله لما تبصله من فوق، ومن الجنب، ومن الجنب التاني)
استنتاج المسقط التالت، وفيه هيديك مسقطين بس من اللي كنت بتستنتجهم فوق وهيطلب منك تستنتج التالت.
رسم الأيزومترك نفسه، وفيه هترسم الأيزومترك الـ 3D زي اللي فوق.
الإسقاط:
عمرك فكرت في شكل الأجسام المختلفة لما تبصلها من فوق أو من الجنب؟ فيه علم كامل اسمه الهندسة الوصفية معمول عشان كده، هتدرس فيه إسقاط النقطة والمستقيم والمستوى وبعض العمليات والمسائل عليهم وعلى الأشكال في الفراغ عامة.
- المحتوى في الترم التاني:
الرسم:
رسم الأيزومترك: بس الفرق عن الترم الأول إنك هتدرس رسم الدواير فيه (بتبان بشكل بيضاوي)، وهتتعلم ترسم فيه منحنيات بشكل عام.
القطاعات والتهشير: لو جبنا منشار وقطعنا الأيزومترك، تعتقد إيه اللي هيبان من جوة؟ فيه هتاخد رسم المساقط التلاتة للأيزومترك بس بعد قطعها من حتة معينة.
الاستيل: هتدرس فيه مساقط الإنشاءات المعدنية، وإللي بتكون بالشكل ده مثلًا: http://bit.ly/2A6YAz0 وهترسم فيه مساقط بس مش 3D.
الأوتوكاد: برنامج الرسم والتصميم الهندسي اللي فوق، هتتعلم ترسم فيه كل اللي رسمته بإيدك من منهج الترم الأول.
الإسقاط:
الترم ده في الرسم عامة متوسع في المنحنيات، فهتاخد ناتج تقاطع الأسطح الدورانية (زي كرة ومخروط) وطرق تعيينه.
هتدرس شكل الظل الناتج عن الأجسام المختلفة.
هتدرس المنظور المعماري، حاجة شبه الرسم الـ 3D لأشكال مختلفة: http://bit.ly/2A6ZnzY
الحفر والردم: لما تكون عندك أرض مايلة ومحتاج تبني عليها فانت محتاج تخلي الحتة اللي هتبني عليها أفقية، هنا انت هتدرس تعمل كده إزاي بالإسقاط.
- مصادر الدراسة المُرشحة:
الرسم: محاضرات د. ماجد نجيب المصورة، موجودة على يوتيوب.
الإسقاط: كتاب الكلية كويس جدًا في شرحه بس محتاج شوية مجهود، بالإضافة لحلول مسائله في ورق الكورسات.
الأوتوكاد: شرح المعيد لو ركزت معاه هيكون ممتاز وكافي، غير كده عندك الانترنت.
- السكشن:
الرسم: سكشن أسبوعي، وهيكون مطلوب منك فيه ترسم لوحة كاملة في فترة السكشن أو مجرد تدريبات جوا اسكتش الرسم، وبينطلب واجب برضه تسلمه في السكشن وبيكون أحد الحاجين اللي فوق.
الإسقاط: سكشن كل أسبوعين، ومطلوب منك تحل تمرينات من كتاب الإسقاط.
الأوتوكاد: واللي بيكون في الترم التاني، سكشن كل أسبوعين، بدايته شرح من المعيد وبينتهي بكويز بسيط عليه درجة السكشن.
- نظام الامتحانات:
الرسم: في الترم الأول بيكون فيه ميد للرسم، وفاينل. وفي الترم التاني مفيش ميد (بيكون الأوتوكاد مكانه) وفيه فاينل بس. امتحان الرسم بيجيبلك ترسم رسمة من كل نوع درسته، بس بتكون أبسط بكتير من المطلوبة في السكاشن.
الأوتوكاد: آخر سكشن أوتوكاد في الترم التاني بيكون عبارة عن امتحان فيه وبتتحطلك عليه درجته.
الإسقاط: في كل ترم عندك امتحان ميد تيرم وفاينل.
- توزيع الدرجات:
الرسم له ٣٠٠ درجة متقسمين لـ ١٥٠ كل ترم، ومتوزعين كالتالي:
رسم (١٠٠ درجة):
٦٠ امتحان الفاينل
٣٠ درجة السكاشن
١٠ امتحان الميد تيرم (بتكون للأوتوكاد في الترم التاني)
إسقاط (٥٠ درجة):
٣٠ امتحان الفاينل
١٠ امتحان الميد تيرم
١٠ درجة السكاشن
٤- الميكانيكا:
علم حركة الأجسام اللي درسناه في تالتة ثانوي، بينقسم طبعًا للاستاتيكا والديناميكا، بناخد الاستاتيكا الترم الأول والديناميكا الترم التاني، وأكيد معروف الفرق بين الفرعين.
في الحقيقة المادة دي مش محتاجة شرح إطلاقًا للمحتوى، لأن هو هو اللي خدناه في ثانوي مع اختلاف صعوبة ومستوى الدراسة وفروقات بسيطة في المنهج.
بالمناسبة، من المواقف الطريفة اللي حصلتلنا الترم الأول مع د. يحيى منير (أحد دكاترة الفيزياء المتميزين) بعد امتحان ميد تيرم استاتيكا لطيف إنه سأل: «إيه الفرق بين الاستاتيكا والديناميكا؟»
فكان ردنا بثقة الطالب الدحيح: «الديناميكا بتدرس تأثير القوى على الأجسام المتحركة، لكن الاستاتيكا بتدرس توازن الأجسام الساكنة»
فلقيناه بيقول: «لأ.. الاستاتيكا شلتوها الترم ده، الديناميكا لسا هتشيلوها الترم الجاي».. بس يا سيدي وفُتِس الطلاب جميعًا.
- مصادر الدراسة المُرشحة:
كتاب الكلية: مفصل وبيشرح بلغة علمية رصينة، بس مش مبسط وكلامه كتير. كويس كقراءة قبل الدراسة الفعلية لفهم الـ concepts. بس للأسف مش متوفر للشراء أو على الانترنت، تقدر تصوره من دفعة قديمة.
ورق الكورسات: نفس الفيزياء، كويس وبيشرح بأسلوب ممتاز.
- السكشن:
سكشن شرح فقط ومفيهوش غياب ومعليهوش درجات.
- نظام الامتحانات:
اختياري أميركان، في كل من الميد تيرم والفاينل.
- توزيع الدرجات:
٢٠٠ درجة طول السنة متقسمين ١٠٠ لكل ترم، ومتوزعين كالتالي:
٧٠ امتحان الفاينل
٣٠ امتحان الميد تيرم
٥- الإنتاج:
مادة مختارة من قسم إنتاج، وفيها أساسيات التصنيع والعمليات الصناعية اللي بتجرى على المواد الخام لحد ما توصل للمنتج النهائي، زي السباكة (من سبيكة) واللحام والتفريز وغيره.
- مصادر الدراسة المُرشحة:
كتاب الكلية كافي جدًا، وشرحه سهل ومبسط وواضح.
- السكشن:
سكشن عملي كل أسبوعين وبيكون في الورشة، وفيه هتشوف العمليات الصناعية المذكورة فوق وهي بتتعمل قصاد عينك، وعليه غياب.
- نظام الامتحانات:
اختياري (MCQ) في كل من الميد تيرم والفاينل، وعلى آخر السنة فيه امتحان اسمه "عملي" بس بيبقى اختياري برضه.
- توزيع الدرجات:
٦٠ امتحان الفاينل
٢٠ امتحان الميد تيرم
١٠ امتحان عملي
١٠ أعمال سنة السكاشن
٦- الحاسبات:
مادة مختارة من قسم حاسبات، وهتدرس فيها جزء نظري عن مكونات نظم الحاسب من هاردوير وسوفتوير وأساسياته وكيفية عمله، وهتتطرق للكلام عن الخوارزميات ولغة الآلة ولغات البرمجة، وطبعًا أنظمة العد المختلفة. بعد كده هيكون النص التاني من المادة عن البرمجة بلغة البايثون ٢.٧، وهتدرس فيه عباراتها الأساسية وبرامج صغيرة.
- مصادر الدراسة المُرشحة:
كتاب الكلية: ملهوش لازمة.
ورق الكورسات: يعتبر مثالي لمذاكرة الحاسبات.
- السكشن:
سكشن شرح والمعيد بيحل أسئلة الشيت، وفيه أسابيع بيكون فيها كويز (٤ كويزات في الترم) درجة السكشن بتتحط على الكويزات دي.
- نظام الامتحانات:
اختياري (MCQ) في الميد تيرم والفاينل.
- توزيع الدرجات:
المادة من ١٠٠ درجة متوزعين كالتالي:
٦٠ امتحان الفاينل
٣٠ امتحان الميد تيرم
١٠ كويزات السكاشن
٧- الكيمياء:
السنادي هتكون نظرية جدًا بعيدًا عن كثرة المعادلات زي ثانوية عامة، هتدرس موضوعات مختلفة ممكن نقسمهم لجزئين، الأول عن الكيمياء بشكل عام شبه اللي درسته في ثانوي وفيه مسائل بسيطة وكده، والتاني عن الاستخدامات الهندسية للكيمياء زي مكونات الأسمنت ومخلفات احتراق الوقود.
- مصادر الدراسة المُرشحة:
كتاب الكلية: واضح وبسيط وبيفهم المعلومة، بس كلامه كتير، وفيه حاجات ملغية، متوفر على الانترنت.
ورق الكورسات: كله شبه بعضه، بس ميزتهم إنهم مبسطين جدًا أكتر من الكتاب وفي بعض الأحيان بيدوا تفاصيل أكتر.
- السكشن:
سكشن أسبوعي في نفس المعمل بيتنوع بين النظري والعملي، أول السكاشن الكيمياء هتكون عملية وهتدرس "الكشف عن الشقوق الحامضية والقاعدية للأملاح" وهتعمل التجارب بإيدك والأمر هيكون ممتع جدًا (مش محتاج تحفظ حاجة كمان، هيكون معاك جدول بالكواشف والنواتج بتستعمله طول السكشن).
- نظام الامتحانات:
امتحان الميد تيرم هيكون كتابة، امتحان العملي هيكون عملي وفي المعمل، امتحان الفاينل هيكون اختياري أميركان.
- توزيع الدرجات:
المادة كلها عليها ١٠٠ درجة، متوزعين كالتالي:
٦٠ امتحان فاينل
٢٠ امتحان الميد تيرم
١٠ امتحان العملي
١٠ درجة أعمال سنة السكشن
٨- اللغة الإنجليزية:
المادة مش معتمدة على اللغة أكتر منها معتمدة على حفظ كلمات كتير ليها علاقة بالمجال الهندسي، بالإضافة لبعض الجرامر الخفيف جدًا زي المضارع البسيط. هتدرس كذا درس كل واحد فيهم عن موضوع مختلف مع حفظ كلماته.
- مصادر الدراسة المُرشحة:
الحقيقة المادة دي أكتر واحدة شحيحة المصادر وكل مصادرها المتوفرة رديئة، بس ورق الكورسات يفي بالغرض مع إنك هتعاني منه. بالإضافة لإن الدكتورة بتنبه في المحاضرة على قطع من الكتاب وبتيجي في الامتحان.
- السكشن:
مفيش سكاشن خاصة بالمادة.
- نظام الامتحانات:
كتابة في كل من الميد تيرم والفاينل، مع بعض الاختياري على نسق امتحانات الإنجليزي بتاعة المدرسة.
- توزيع الدرجات:
المادة عليها ٥٠ درجة متوزعين كالتالي:
٣٥ امتحان الفاينل
١٥ امتحان الميد تيرم
٩- التاريخ الهندسي:
مادة نظرية عبارة عن موضوعات مختلفة منتقاة من كل الأقسام بتديك فكرة عنهم، يعني هتدرس عن منشآت الري (من قسم مدني)، وعن تاريخ الاتصالات (من قسم كهرباء اتصالات)، وعن مصادر الطاقة (من قسم كهرباء قوى) وعن تاريخ الغزل والنسيج (من قسم غزل ونسيج).
- مصادر الدراسة المُرشحة:
سلايدات الدكاترة: مفصلة جدًا والامتحان مش هيخرج عنها، بس كلامها كتير.
ملخص البشمهندس أحمد وليد: زميلنا ليلة الامتحان كان عامل ملخص ممتاز للمادة سايب فيه المعلومات المهمة وشايل الدش الكتير.
- السكشن:
مفيش سكاشن خاصة بالمادة.
- نظام الامتحانات:
اختياري (MCQ) في الفاينل، مفيش امتحان ميد تيرم.
- توزيع الدرجات:
المادة عليها ٥٠ درجة كلهم على امتحان الفاينل.
١٠- حقوق الإنسان:
مادة نظرية غير ذات أهمية والدكتور بيدي الامتحان وحله في آخر محاضرة، المادة نجاح ورسوب ومعليهاش درجات (ومحدش رسب في الدفعة إلا اللي غايبين).
تعليقات
إرسال تعليق